Toe tula’i mo le aga’i i luma o le HRPP

493 Hits

Le Fofoga o le Fono talu ai, Laauli Leuatea Polata’ivao

Le Fofoga o le Fono talu ai, Laauli Leuatea Polata’ivao

Ripotia e Pai Mulitalo Ale

Fa’aliliu e Maiava

 

O le aoauli o le Aso Lulu na fono ai le fa’afaletui a le HRPP, e filifili se tasi e avea ma Fofoga Fetalai o le Palemene, mo le isi lima tausaga o muamua. 

Na ‘autasi le fono i le sa avea muamua fo’i ma Fofoga Fetalai,  le Afioga a Le’aupepe Toleafoa Fa’afisi e toe tauavea le tofi, lea sa feagai ma le Afioga a La’auli Leuatea Polata’ivao, i le nofoa’iga talu ai. 

O le a galulue so’o-so’o-tau’au la le Faipule mai A’ana Alofi Numera 1 i Sisifo ma le Sui Fofoga Fetalai, le faipule fou mo Gaga’emauga Numera 3, o Nafo’itoa Talaimanu Keti. 

Na saunoa mai La’auli i le Samoa Observer ina ua mae’a lea fono,  o le tofiga ua faia o se tulaga manuia lea ma lelei mo le atunu’u.

“’Ou te matua talitonu e gafatia ma agava’a mo le tofi,” o le saunoaga lea a La’auli e uiga ia Le’aupepe. “Sa iai fa’atasi i le Palemene ma lo’u tama (o Polata’ivao Fosi Schmidt ua tu’umalo) ma ‘ou talitonu, e iai lo’u taimi. 

 “A’o le taimi nei, ua nofo sauni lava e fa’atino so’o se galuega lava e ‘aumai e le malo ‘ou te faia.”

Sa fa’aalia le mana’o o le Faipule fou mo Falealili i Sasa’e, o Fuimaono Te’o mo le tofiga o le Sui Fofoga Fetalai. Peita’i, sa manatu le fa’afaletui, e le o se fa’aaloalo le toe tofia iai o se tasi o Tumua nei, ma i’u ai loa le fa’ai’uga ia Nafo’itoa e avea ma sui o Pule e Ono ma Salafai. O nisi nei o ata sa pu’eina ina ua mae’a le fa’afaletui a le HRPP.

© Samoa Observer 2016

Developed by Samoa Observer in Apia