Teena e Matai se talosaga i le Faamasinoga

18 March 2016, 12:00AM

Lanuola Tusani Tupufia 

Faaliliu e Seagaitumua Tupuola

 

E toatele ni mafai mai le nuu o Tanugamanono na teena se talosaga a Tupuola Afa Lesa mo i latou ina ia avea ma vaega e auai i le totogiina o se tupe e latalata i le miliona tala-o loo nofo aitalafu ai i le aiga o Afu Faumuina Tutuila. 

O lea tete’e mai ni matai se to’avalu o matai o Tanugamanono na fai i le faagasologa o le fofogaina o se tagi i totonu o le Faamasinoga Sili i le Aso Gafua.

O le loia sa fai ma o latou sui o Su’a Helene Wallwork, na ia faailoa atu i le Faamasinoga e faapea ua faaulu e matai se faasilasilaga o lo latou tete’e i le talosaga a Tupuola.  O le Faamasino Sili Lana Afioga Patu Tiava’asu’e Falefatu Sapolu o loo taiului i lea suesuega. 

O Taulapapa Brenda Heather-Latu o le loia lea mo le alii faipisinisi ma sa avea muamua ma Minisita o le Kapeneta. 

O le Aso Gafua na tula’i ai Matafeo George Latu, o ia lea sa auai e avea ma sui o Taulapapa, na talosagaina le toe tolopoina o lea mataupu mo le toe fofogaina-e faatali ai le toe taliu mai o Taulapapa mai atunuu mamao. O lea na toe tolopo ai e le Faamasino Sili o Patu lea mataupu i le aso 29 o Mati 2016.

Na fai e Tupuola lea talosaga i le tausaga talu ai ina ua faailoa e ni matai se to’aiva ia sa matua aafia ai i lea mataupu e faapea ua gaumativa i latou –ma ua tuua ai na o ia e to’atasi na te totogi lea taui.Na poloa’ina matai ma faipule o Tanugamanono ina ia latou atu se aofaiga o tupe e $860,000 i le aiga o Afu Tutuila.

18 March 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>