Mana’omia e se aiga le fesoasoani i le latou fale

Tusia Deidre Tautua ,

67 Hits

O se va’aiga i le tulaga olo’o i ai le nofoaga o le aiga o Iokapeta

O se va’aiga i le tulaga olo’o i ai le nofoaga o le aiga o Iokapeta

O lo’o talosagaina e se tinā se fesoasoani mai so’o se Samaria agalelei ina ia fesoasoani atu i le fia maua lea o se fale lelei ma mautu auā le tausiga o si ona tinā matua e po lana va’ai.

O lea tinā matua e 91 le matua o le soifua, ma o lana tama teine o Iokapeta Tufue Tavete mai Nu’u Fou sa fa’aleoina mai lo latou manaoga.

“E to’afitu la’u fanau ae na o lo’u to’alua e faigaluega.

“E galue i se tasi o fa’atoaga i Aleisa ae e le taitai lava lona totogi e tausi ai le aiga.

“E le mafai ona ou alu ou te faigaluega ona e leai se isi e tausia lo’u tinā matua,ona e le mafai ona savali ma e po fo’i lana va’ai.

“E tagi ai le fatu pe a va’ai atu i le tulaga o lo’o i ai si o matou tinā ae peita’i e leai se mea e mafai ona fai.

“E o’o lava i se fa’amalū ta’oto ai e le mafai ona gafatia o le ala lea e taoto ai lava i luga o le moega laupapa.

“E le gafatia fo’i se tau o se napekini e fa’aaoga e ia ona e le mafai ona savali.

“E fa’atolu ona tausami i le aso ma e sui lava ie o ona moega I taimi uma ona o nisi o tulaga.”

Sa fa’ailoa mai e Iokapeta sa ia tausia mai lava lona tinā mai le tausaga e 2011 ma o se tulaga faigata.

“E ui i le manao e fa’atino le alofa e ala lea I le tausi lelei ma fa’atau ai mea uma e manaomia e ia ma se nofoa fa’ata’avalevale ina ia mafai ai e ia ona fealua’i ma fa’asavili i fafo i le ea malū e le mafai ona fa’atinoina nei mea uma ona o le le lava o le seleni.

Tinā matua o Iokapeta i le potu o lo’o taoto ai ma le va’aiga fa’amomoi loto
Tinā matua o Iokapeta i le potu o lo’o taoto ai ma le va’aiga fa’amomoi loto
O se va’aiga i le tulaga olo’o i ai le nofoaga o le aiga o Iokapeta
O se va’aiga i le tulaga olo’o i ai le nofoaga o le aiga o Iokapeta

“Ua leiloa pe fa’apefea ona fa’atino le alofa e aunoa ma se tupe.”

Sa ia fa’ailoa fo’i e o’o lava i le fale le ta’ua e le’o i ai i se tulaga lelei ma maloloina.

“E utu vai i le kalone ina ia mafai ona asu ai vai e fa’aaoga.

“E to’a 15 tagata e nonofo i le matou fale ae na’o a’u lava ma si o’u tina e momoe i luga o le meoga laupapa lenei.

“O se tulaga faigata e o’o lava i si a’u fanau e tauaimisa i taimi uma po’o ai e fa’apupu’u a’o ai o le a mafai ona moe lelei i le po.

“Toetoe lava ina a paū le fale.

“Talosagaina se Samaria agalelei e mafai ona fesoasoani mai  i mafatiaga o lo’o i ai nei.

“E le fa’apea o le a tagi i se fale piliki na’o sina fesoasoani lava mo sina fale mautu ma mama auā le tausiga o le tinā ma le fanau.

“Ou te iloa e le o se galuega lea a se isi ae peita’i ua le ma le mativa ma le alofa i si o’u tinā ona ma le le gafatia e le totogi o le tama o le aiga ona fa’atino nei mea uma.

Fa’afeso’ota’i Iokapeta i le telefoni 7588088.

© Samoa Observer 2016

Developed by Samoa Observer in Apia