Soifuaga ua i ai nei
O le aso ananafi na maua ai le fa’atalatalanoaga a le Fofoga o Samoa ma le tamā i a Reupena Petelo.
Na ia fa’ailoa o lona soifuaga o lo’o ua i ai nei, e mo le lelei ma le lumana’i manuia o lona aiga aemaise
O Reupena o ia o se tamā ua 64 le matua o lona soifua ma o lo’o galue i le Alafua Transport aua lava le tausiaina o lona aiga.
I lea fa’atalatalanoaga na ia fa’ailoa ai o le taimi lenei o lo’o ia taumafai e tau su’esu’e se isi ana galuega ona o le tupe o lo’o ia mauaina ua le gafatia lea mo le tausia o lona aiga.
O le taumafai ai o ia ina ia maua se olaga lelei mo si ona aiga, o se itu lea o lo’o ua ia silasila i ai le taimi lenei aua lava le aga’i mo le lumana’i.
“Ia e pei o lea lava le fiafiaga mo a’u o le sailia lea o le galuega mo le lelei o le aiga aua e pei o lea lava le tali i le taugata o le tau o le soifuaga olo’o ua i ai nei.
“Ia e ta’utino atu o a’u e leai se to’alua ae pei o a’u galuega o lo’o fesoasoani tele mo si o matou aiga.
“O le olaga o lo’o ua tatou i ai nei, ia e fai lava sina faigata, ae fa’afetai o lo’o i ai le ma’umaga o lo’o tele ina tua i ai mo mea’ai i aso ta’itasi.
Na ia ta’ua o le taimi lenei o lea lava le fa’amoemoega o lo’o ua i ai nei.
“Ia e pei o le lelei lava lea o le ma’umaga aua e mafai ona fa’amoemoe i ai e le gata i mea’ai ae o tupe maua foi.
“O a’u, ia ua tatou iloa uma lava le faigata o lo’o ua tatou i ai nei, ona o le taugata o le tau o le soifuaga, ma e talosagaina le malo ina ia alofa mai mo le fa’ataugofieina o vaega uma ia mo le lelei alu i luma o le atunu’u.
“O si o tatou atunu’u, ia e i ai lava aso e fa’apea ona lelei ai, o aso fo’i ua leaga, ma o le naunautaiga lavaia mafai lea ona maua pea le malosi e fa’aauau ai fea’u ma tiute o le aso.
“E pei o lea le agaga fiafia i a te a’u lava ia i le taimi lenei.