Manatu o le Fa’atonu - E ui lava o ni laasaga a se Pepe -ae o le mea sili ua fai se amataga

18 February 2016, 12:00AM

Tusia - Mata’afa Keni Lesa

Faaliliu e Seagaitumua Tupuola

 

A pa’ia loa le taua faifai pea e faasaga i faiga pi’opi’o ma le fai mea sese, e i ai lava le mafuaga tatou te mautinoa ai i lenei aso. 

O ni laasaga a se Pepe atonu o le mau lea a nisi ae o le tala o loo i luga o le itulau i luma o le nusipepa o loo e faitauina-o se amataga lelei lea tusa lava pe o le a. 

 O se tala lea e uiga i ni tagata talavou e tusa ma le 40 ma sui auai o le sosaiete lautele –ia o loo fono i Apia i lenei vaiaso e talanoaina ni ala poo ni faiga e faaitiitia ai faiga pi’opi’o nau tototonu o lo tatou atunuu. O le Mafutaga Tau Aoaoga o le “Integrity Workshop” mo Tupulaga Talavou o Samoa ma le Mafutaga Tau Aoaoga o le “Anti Corruption Worksho” mo Faalapotopotoga a Sosaiete Lautele na amata ananafi. 

E tusa ai ma se pepa o faamatalaga, o loo faatatauina i latou e avea ma taumafaiga soofaatasi a ni vaega sooupu se lua a Malo Aufaatasi e ala i se faiga faa-paaga  ma le 

Samoan National Youth Council (S.N.Y.C) ma le Samoan Umbrella mo Faalapotopotoga Tua (S.U.N.G.O.). O le a latou tuuina atu i tagata auai se avanoa e tilotilo ai pe faapefea ona faatino faiga e tete’e atu ai i faiga pi’opi’o i totonu o Samoa, ina ia tusa ai ma le Fono a Malo Aufaatasi e Faasaga i Faiga Pi’opi’o (U.N.C.A.C). O le itu ua matou maua le uiga ese o le aafia ai lea o tupulaga talavou i totonu o se talanoaga e taua tele. I le avea ma ta’ita’i o le lumana’i o lenei atunuu, o se laasaga taua tele lenei mo le fausia lea o i latou mo mea o i luma. I le taimi nei la-a pa’ia loa faiga pi’opi’o ma le afaina ai o tagata, tatou te talitonu na te faaleagaina le atiina a’e ma faatupu le mativa.

O tatou vaaia ‘ea nei mea i totonu o Samoa i aso nei? E te manatu o loo tupu i totonu o le parataiso? 

O la matou tali o le ioe. O le aso 19 o Aokuso 2015, na matou tusia ai o matou mafaufau e uiga i lea mataupu i lalo o se manatu o le faatonu sa faa-ulutalaina “E uiga i aia tatau, Samoa ma faiga pi’opi’o.” O lea tusitusiga sa talanoa e uiga i le sootaga i le va o aia tatau a le tagata, le faaaoga sese o le paoa ma le faatupula’ia pea o le aofai o tamaiti o loo aisi i luga o ala tetele o Samoa. Sa matou faafetaia i latou sa faamaopoopoina mafutaga tau aoaoga e lua sa faatinoina i Apia i lenei vaiaso mo le taumafaiga. Ma ua matou faasoa atu lenei tusitusiga ia te outou e avea ma taumafa mo le mafaufau. 

 

E tusa ai ma aia tatau a le tagata, Samoa ma faiga pi’opi’o”  “O Maiava Iulai Toma ma lana vaega i le Ofisa o le Komesina o Sulufaiga ma le National Human Rights Institution (N.H.R.I.) e tatau ona matua faafetaia. 

O le Lua aso ua mavae atu, na ‘ausia ai e Maiava ma lana vaega se mea muamua mo Samoa ina ua faalauiloa aloa’ia le State of Human Rights Report mo Samoa lea na faalauiloa aloa’ia i le faagasologa o se potopotoga i le malae o le Pulega o Turisi a Samoa (S.T.A.) (faitau i le lomiga atoa i le itulau 4,5 ma le 6). 

E aunoa ma se tulaga masalomia, o se matati’a uiga ese lea, aemaise ai lava pe a fua i le taua o lea faamatalaga i o tatou tagata.

O lea lipoti na faalauiloa aloa’ia e le Palemia Tuilaepa Sailele Malielegaoi, o ia lea e le gata ina ona faafetaia Maiava ma lana vaega, na ia tapā foi le faavaeina o se Komiti Faa-Palemene na te tuliloaina fautuaga a le lipoti. 

I le taimi nei la-o se amataga uiga ese lea, a ‘ea? O le a le aoga o le fai o se isi lipoti auiliili lea o loo saofa’i i lea nofoaga ma ua pefua ae sa tatau ona faaaoga e fai ai se eseesega e matua tele i soifua o tatou tagata? 

E tusa ai ma le Komesina o Sulufaiga o Maiava, e matua taua tele ona puipui malu a tatou aia tatau faale-tagata. Fai mai a ia: “O aia tatau a Tagata e le o ni mafaufauga ese ia mai fafo e pei ona fia vaai i ai le toatele, ae peitai-e i ai lava o latou ‘a’a i totonu o le aganuu a Samoa. 

 “O se manatu e tatau ona ave i le fale mai lenei Lipoti e faapea o le lalagaina faatasi o le faa-Samoa ma ta’iala o aia tatau o le a maua ai se atunuu malosi ma sili atu ona fealofani. O lea la itu, o le mea moni lava o lenei Lipoti e “mo Samoa, na fai e Samoa.”

Ia-matou te matua lagolagoina lava lea tulaga. O aia tatau a Tagata-ia manatua foi- e puipuia ai tagata ta’ito’atasi, nuu ma le atunuu atoa. E tusa ai ma ni upu ta’uta’ua a Kofi Annan, o aia tatau a tagata o aia tatau ia o loo i soo se tagata. O le mea moni, o i tatou uma lava o tagata ola ma tatou te fia maua uma aia tatau faale-tagata. 

Ina ua mavae sina tepa faanatinati i le lipoti, e tatau ona faailoa atu e faapea e faapea o le vaega tele o le suesuega e matua uiga ese lava.. Mai le faafeagai ai ma tagata faigata o le atunuu e pei o tamaitai, tamaiti, tagata e le atoatoa le malosi,  pagota ona o le aafia i mataupu e pei o le soifua maloloina o le atunuu, tulaga lelei tau le soifua maloloina, suiga o le tau, tapuaiga , soifua maloloina o le mafaufau, sa’olotoga e tautala ai ma isi lava mea, o se matua suesuega mae’ae’a lea o mataupu tau aia tatau a tagata i totonu o Samoa.  O se lipoti lea e tatau ona fai ina ia avanoa atu i taimi uma i soo se tasi ma tagata uma lava. 

E tatau ona faitau i ai tagata uma lava, le Ao o le Malo, Minisita o le Kapeneta, Sui Usufono o le Palemene, Sui o le Faamasinoga, Ta’ita’i o Ekalesia, Pulenuu, le ta’ita’iga a tamaitai i nuu eseese, tamā, tinā ma tamaiti o Samoa. 

O se lipoti taua faapena e le mfai ona fulitua i ai pe faagaloina. I le faagasolo o nai vaiaso o i luma, o le fai e le Samoa Observer se taumafaiga e mautioa ai e faapea ua lomia faasalalau lea lipoti i luga o itulau o lau nusipepa ma faaavanoa atu i se tulaga lautele e mafai ai. I le taimi nei, o se tepa faanatinati i le lipoti o le a faaalia ai e faapea o lona vaega tele e mafuli i aia tatau a tagata e pei o tamaitai, tamaiti, tagata e le atoatoa le malosi, ma pagota. “Ua manino mai le suesuega ma le itu na ‘ausia e le suesuega a le NHRI e faapea o nei vaega latou te ono manaomia le faateleina o puipuiga e faasino ia latou aia tatau faavae faale-tagata,” o le faaaliga lea a Maiava (faitau lana lauga o loo i le itulau atoa e 6). “O Tamaitai, o se mataupu lea e latalata tele i o tatou fatu uma ma sa avea foi ma fatu o la matou lipoti.  “O Tamaitai ma teine sa avea ma suo o le toetoe lava ‘afa o le faitau aofai o Samoa. E masani ona noatia i latou mo le tausiga o a tatou fanau, o e mama’i, ma tagata matutua o tatou aiga. I aiga taitasi uma ma nuu, o tamaitai lava latou te faatinoina le filemu ma le fealofani. “Ona o lea itu, e faigata tele ona faatatauina i latou i se isi lava mea e itiiti ifo i lo le tulaga tutusa ma e tatau ona lagolagoina, faaaloalogia ma puipuia.”. O le isi mataupu uiga ese o le tulaga maualuga o sauaga e faasaga i tamaitai. 

“Na maua e le Suesuega a le Samoa Family Health and Safety Study le toetoe lava o le ‘afa o tamaitai na suesueina sa feagai ma sauaga i le tino, loto ma/poo sauaga tau feusuaiga a sana paaga,” o le faaaliga lea a Maiava.  O le leai o ni faamatalaga ma fuainumera faamaumauina e faasino i le faateleina o sauaga e faasaga i tamaitai e tatau ona fo’ia  ina ia maua ai se fesoasoani ina ia malamalama ma taofia sauaga i totonu o aiga. E le gata i lea, o le aganuu o le le fia talia o le taofia o sauaga e faasaga i tamaitai lea sa tumau pea i totonu o nuu o Samoa e tatau ona matua aveeseina ina ia tausisia ai le fatu o le Faa-Samoa lea ua tuuina atu i le tulaga o tamaitai.

O lea mataupu o le mea moni o lea matau sa le faagasloina e le Palemia o Tuilaepa ina ua na tatala aloa’ia lea lipoti. Fai mai Tuilaepa: I totonu o se atunuu o loo ai se nuu malosi ma le faatauaina o aiga, e le o se mea e talia lo tatou faaauau pea ona vaaia tamaitai ma tamaiti o sauaina ma sauaina i feusuaiga faamalosi, i le tele o taimi e sauaina e i latou e alolofa i ai, ma o tamaiti, le lumanai o Samoa ma e puipuia mea tausi a aiga, o loo faaauau pea ona faafaigaluega  i luga o ala tetele, ma o ia tagata e le atoatoa le malosi o loo teena pea lo latou auai faatasi i le tele o vaega o lo tatou atunuu. 

E sa’o le Palemia.  Ia manatua foi, o tamaitai ma tamaiti o le lumanai lea o Samoa..

 “ I Samoa nei, toetoe lava o le ‘afa o le faitau aofai e 19 tausaga le matua ma lalo ifo, o lona uiga o tamaiti ma tupulaga talavou o loo fai ma sui o se vaega e taua o latou mana’o i totonu o lo tatou atunuu. “E tatau ona maua e Tamaitai le tausiga, aoaoina, ma puipuia-o le matafaioi tuufaatasi lea a aiga ma nuu uma, ae o le itu e faanoanoa ai, e le o se faiga lenei e vaaia pea.”

O lea la ua tatou taunuu ai i le mataupu tau tamaitai e faatauina atu oloa i luga o ala tetele, lea foi sa tagofia i totonu o le lipoti.   O le ta’ua la o lea mataupu o se mataupu lea e matua faanoanoa ai. Na faaalia e Maiava lea mataupu ma le valaauina o le malo ina ia ta’iala i se faiga e fo’ia ai lea mataupu. 

 “A le mafai e tamaiti ona auai i le aoga talu ai ona ua faamalosia i latou e faatau atu ona –o le a le mafai ona latou faaleleia fuafuaga mo lo latou lumanai ma o le a faaauau ai pea le taamilosaga a le mativa,” o la faaaliga lea a Maiava. “E le gata i lea, o lenei tulaga ua tuuina atu ai se avega taua ma le faamomoi-loto i luga o tamaiti Se’ia vagana ai la ua tatou fo’ia le mataupu lautele o le mativa ma le tuuina atu o le malosi i aiga e filifili ai poo le a’oga poo le faaaoga e faafaigaluega, o lenei mataupu o le a faaauau pea. “O le Malo, e pei lava o le vaega tele o mea, e tatau ona ta’imua iinei. O le tulaga tau tagata-nuu, ae ui o lea, e tatau foi ona ia faatinoina tiute tauave e talafeagai ai i le sailiga mo ni vaifofo ia tatou faafitauli.” 

Ia- o a la nisi o vaifofo e mafai ona faatino? 

 “ E manaomia e Samoa ona faaaoga ni avanoa faapitoa ua faamanuiaina ai. O se tasi o ia faamanuiaga o le mea moni lea e faapea e leai lava se mea poo se avega e pei “o le toatele o tagata e leai ni o latou eleele i totonu o Samoa.”

“E mafai e tagata Samoa uma lava ona maua se fanua i soo se nofoaga i totonu o Samoa lea e mafai ona ia fausia ai sona fale ma faato’a  mo le lagolagoina o ia. E mafai ona tupu lena mea talu ai o le toatele lava o i tatou, o sea fanua e le o i totonu o le taulaga lea ua filifili nisi o i tatou e fia nonofo ai i ni tulaga fe’oma’i ma le iloa lelei e le maua lava ni a tatou galuega iina e lagolago ai o latou aiga. E tatau ona tatou matua fesiligia filifiliga tatou te faia e tusa ai ma lenei itu. “

Matou te toe fai atu foi, malo lava Maiava. Matou te matua lagolagoina lou finagalo.

Masalo afai o i ai lava se isi mana’o e tasi o ia i tatou sa tatau i e na tusia le lipoti ona silasila i ai, o le afaina lea tau faiga pi’opi’o ma taupulepulega leaga i totonu o tagata faigaluega o le malo i soifua o tatou tagata.

Mo se faataitaiga, e faapefea ona soli aia tatau a tagata talu ai le le mafai e o tatou taitai ona matua aveese ma fai se tagi e faasaga i tagata taitoatasi na na maua sa taupulepule e faasese tagata o le atunuu ma latou lafoga sa totogi  ma le afu?

Afai e leai se sootaga i le va o faiga pi’pi’o e le o tagofia ma le mativa ua faaalia manino e le lipoti? E i ai se aia tatau a tagata latou te iloa ai le mea o loo fai i alii ofisa ia na faaaogaina sese le paoa ma tupe a tagata totogi lafofa?  

O i ai se aia tatau a tagata i le amiotonu pe a pa’ia faiga pi’opi’o e matua tulaga maualuga? Ma e i ai se aia tatau a le malo poo se laisene e faaauau ai ona faaaoga sese ma sao ese ai? O ni fesili taua tele nei. E tatau lava ona i ai se tasi, o i se isi nofoaga- e tatau ona talu mai i ia fesili. Ae peitai- ia ‘aua nei taofia ai lau manava. 

 

Ia outou maua Samoa se Aso Tofi uiga ese, ma ia faamanuia atu le Atua!

 

18 February 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>