Fesoasoani Saina ia Safotu

192 Hits

Amapasa o Sina o Wang Xuefeng ma lona Faletua faatasi ai ma le Mafutaga a Tina o le EFKS a Safotu.

Amapasa o Sina o Wang Xuefeng ma lona Faletua faatasi ai ma le Mafutaga a Tina o le EFKS a Safotu.

Tusia - Deidre Fanene 

Faaliliu e Seagaitumua Tupuola I Savai’i

 

Ua faamalosia e le Afioaga o Safotu ma Saina le latou sootaga faale-uo ananafi. Na tupu lea tulaga ina ua asia e le Amapasa o Saina i Samoa o Wang Xuefeng lea afioaga ma foa’i atu i ai mea faigaluega  e tusa ma le $32,000 le tau i le Mafutaga a Tina o le E.F.K.S.

O ia mea faigaluega e aofia ai le 40 o la’au su’isu’i, 40 seleulu anagatā, 40 taa’iga o filo ma ta’aiga o ‘ie e lima. I le taua’aoina atu o ia mea faigaluega, sa ta’ua e Mr. Xuefeng e faapea o Saina ma Samoa o loo i ai se la faiga-uo ma o le meaalofa ia Safotu o se vaega lea o lea fefaauoaiga.  

“O lo’u toalua ma a’u ua mafua faafiafiaina lava i lenei motu manaia, o lona laufanua ma le alolofa o tagata o le motu,” o lana faaaliga lea O nei meaalofa o se vaega lea o le faigāuo i le va o tagata o Saina ma Samoa. E pei lava ona outou silafia , o le tausaga talu ai na faailoga ai le 40 tausaga talu ona faavaeina sootaga tau upufai o malo i le va o Saina ma Samoa.” 

“O la’u galuega le fai o uo i totonu o Samoa ina ia avea ai meaalofa ma taunuuga o lea faiga-uo ma e tuuina atu i le agaga o le alofa ma le faapalepale.” I sana saunoaga e fai ma sui o le afioaga, na faafetaia e le Peresetene o le Mafutaga a Tina o le E.F.K.S, o Siataata Tanielu-le Amapasa o Xuefeng ma Saina. 

Ou te fia momoli atu le faafetai tele i le Amapasa  o Wang Xuefeng ona o le talia o la matou talosaga mo lenei galuega tele fou tau su’isu’iga, o le faaaliga lea a le tamaiti.  “E pei lava ina atonu ua outou silafia, o le faamoemoe o lenei talosaga ia maua ai se fesoasoani mo aiga o lo matou nuu ma la matou ekalesia. 

“O le vaega toatele o tina o la matou mafutaga e leai ni a latou galuga aeo lea ua latou maua nei la’au su’isu’i-o lona uiga-o le a faamanuiaina ai i latou e su’i lavalava o a latou lava fanau ma ua sili on aoga i le taimi nei. 

Ona o nei masini-o le a mafai e tina ona su’i ofu a’oga o a latou lava fanau ma o le ala uiga ese foi lea e maua ai se tupe e fesoasoani ia latou fanau ma aiga.” Fai mai Si’ata’ata o le a fesoasoani la’au su’isu’i i tina o Safotu e avea ma tagata popoto faapitoa tau su’isu’i i le lumana’i. 

“Matou te ta’utino atu o le a matou tausi ma faapelepele ma faaaoga ma le tau nei laau su’isu’i taugata ina ia mafai ai ona matou faafetauia ma ‘ausia le faamoemoe o la matou talosaga.”

© Samoa Observer 2016

Developed by Samoa Observer in Apia