Tatala atina’e a le Samoa Observer - e fou i Samoa

238 Hits

O uo ma e masani o le Samoa Observer.

O uo ma e masani o le Samoa Observer.

Ripotia e Deidre Taotua Fanene

Fa’aliliu e Maiava

 O le afiafi o le Lulu na fa’amanatuina ai e le Nusipepa o le Samoa Observer, le tatalaina aloa’ia o nisi o ana atina’e se lua, ua fa’amauina i tala-fa’asolopito o le Nusipepa i Samoa nei.  

O lea fa’amoemoe, e aofia ai le tatalaina o le ulua’i Laupapa-mo-Fa’asalalauga-Fa’alauiloa fa’anei-ona-po i totonu o Samoa fa’apea le tatalaina o le upega-tafa’iLagi ua toe-fa’afouina, le www.samoaobserver.ws.

O le Ofisa lava o le Samoa Observer i le Maota o Lober i le Taulaga i Apia, sa fa’atino ai lea fa’amoemoe. 

Sa ‘auai i lea sauniga, le to’atele o sui o Matagaluega ma Fa’alapotopotoga a le malo, sui o pisinisi ma kamupani tuma’oti fa’apea tusitala ma vaega fa’asalalau, lea sa fa’afofoga ma molimauina fa’amanuiaga latou te maua mai ia atina’e e lua ua fa’alauiloaina nei.

O le Ali’i-Pule mo Feso’ota’iga i Upega-tafa’iLagi a le Samoa Observer, o Jarret Malifa sa fa’amatalaina le aoga o le Laupapa-Fa’alauiloa ae maise va’aiga fou o le upega-tafa’iLagi lea ua aofia ai ata-video ma avanoa mo fa’asalalauga-fa’apisinisi.

O ia atina’e e lua, o le taunu’uga lea o galuega sa fitaituga ai le Samoa Observer i le tele o masina ua tuana’i.

O nisi nei o ata sa pu’eina mai lea fa’amoemoe:

© Samoa Observer 2016

Developed by Samoa Observer in Apia