O le sui o amio o le ki lea

170 Hits

TAOFIA O SAUAGA : Sui na auai i le mafutaga tau a’oa’oga.

TAOFIA O SAUAGA : Sui na auai i le mafutaga tau a’oa’oga.

Tusia: Deidre Fanene

O le suiga o amio a le atunuu e taofi ai sauaga a’o lei amataina e avea ma vaega autu o se talanoaga e tolu aso na faia i le F.A.O.Sub-Regional Office, ma una’ia e le Ofisa o Malo Aufaatasi. Na amata ananafi ma faamae’a taeao.

O le faamoemoe e tasi ia avea ma e tuuina atu lea auaunaga e pei o le S.V.S.G. lea e tali atu i se tagata o ia lea ua pagatia mai sauaga, ae o le isi mea o le talanoa lea pea faapefea ona auai le atunuu ina ia mafai ona sui a latou amio, ina ia mafai ai ona tatou taofia lea faafitauli a’o lei tula’i mai,” o le faaaliga lea a le sui o Tamaitai o Malo Aufaatasi o  Suisala Mele Maualaivao.” 

Fai mai Suisala o le mafutaga tau aoaoga o le a aofia ai se faamamafa i le faamaumauina, ina ia iloa ai pe o ai lea ua uma ona ia fai se galuega e taofia ai sauaga, faapea foi ma tulaga e aafia ai ma pe faamata o aoga. “E leai se tali e tasi i le faamutaina o sauaga….tatou te manaomia si’ufofoga o tagata uma o le atunuu, ina ia mafai ai e i tatou lava ona tatou fo’ia lea faafitauli,” o lana faaaliga lea.  

“O i tatou i le avea ma tagata Samoa e tatau ona tatou o mai faatasi e faamuta lenei sauaga i tamaitai, e le o se mataupu lea a tamaitai poo tamaiti poo se aiga, o le mataupu tagata uma lava. “E mafau ona o le tatou mataupu, e le na o tamaitai e aafia ai, o le faamoemoe atoa o le talosagaina lea o alii ina ia malamalama pe aisea e tulai mai ai nei mataupu.” 

O se Vaega o talanoaga i le faagasologa o le mafutaga tau aoaoga e faasino i tulaga tau le malosi ma pe faapefea ona fia tu-mati’e tagata mo i latou lava ma faaalia le fiapule

Fai mai Suisala o tagata e sili ona saua o latou lava ia na aafia ai, ua latou faagasolo le taamilosaga ma le manatu o se mea lea e masani ai.  “E moomia ona tatou fesiligia pe o ai le latou faataitaiga . O ai na fai atu ia i latou o le faiga lenei na tausi mai ai latou. E faapea o le faiga lenei e avea ai latou ma paaga?

“[Afai ] sa avea sauaga ma vaega o latou olaga-o lona uiga la- e ona amio foi faapena i latou.

”E to’atele tagata e fai mai sa sasa i latou a’o tamaiti ae o lea ua lelei i le taimi nei, ae peitai-latou te le o iloa e faapea (sa faamanatu atu ia i latou) taimi o avea ma tamaiti, ae le o mafai lava ona muta lea faiga.” Fai mai Suisala o lana tupulaga o le a maua ai se suiga uiga ese i totonu o Samoa, e taofia ai le sauaina o tamaitai.

O le aganuu faa-Samoa e le o se vaega lea o le faafitauli, e pei ona ia faamamafaina. “E faigofie ona tuua’ia le Faa-Samoa pe afai e te le mana’o e te faatinoina lea tiute tauave, ae o le Faa-Samoa o le vaifofo lea (mo) le fo’ia o lenei faafitauli,” o lana faaaliga lea.

“I le tatou Faa-Samoa-e le mafai ona latou fasi o latou ta’ito’alua poo le fanau, pe faaaoga sese i latou talu ai-e le o se Faa-Samoa lena mea. ‘Aua e te tuua’ia le Faa-Samoa, ae faaaoga e fo’ia ai lenei faafitauli.”

© Samoa Observer 2016

Developed by Samoa Observer in Apia