Tofa, Aitken Fruean!

17 December 2015, 12:00AM

Tusia: Deidre Taotua Fanene

Faaliliu: Seagaitumua Tupuola

O le soifua o Aitken Gregory Fruean sa famanatu e ona aiga, uo ma paaga i le faagasologa o le sauniga i le Kafetala Maria Imakulata, Mulivai, ananafi.

O se alii sa faamatalaina o se tagata to’afilemu ma lona loto e auro, o le tofi faasolo o Mr. Fruean sa avea ma unaiga malosi o le taaloga o le Si’isi’i U’amea Mamafa i Samoa, o le a matua misia lava. 

Ae peitai- sa sili atu o ia i lo le na o le Peresetene o le Samoa Powerlifting Federation. O ia o se tane alofa ia Francine Meredith –Fruean, o se tamā mitamita lea o Aitken III Trey,  le alo o Asi Aitken ma Mary Fruean ma e laititi ia Raymond, John, Annette ma Pepe Fai’ailetoa Christian.  Na maliu Aitken i le Aso Lua. Ua 52 tausaga lona matua.

Sa filo i le ‘au-faanoanoa ananafi le Ao o le Malo, Lana Afioga Tui Atua Tupua Tamsese Eti, lana Masiofo, Lana Afioga Filifilia Tamasese, le Palemia, Tuilaepe Sa’ilele Malielegaoi ma nisi o Minisita o le Kapeneta.

 Sa auai foi le toatele o le aufaipisinisi i totonu o Samoa. 

I le faatinoina o le faaaloalo i lona uso, fai mai Pepe o se tasi o tofi faasolo e tumau pea a Aitken e faapea na te faamuamua isi tagata. Na muamua ona ia ta’ua lona alofa ma le loto naunau mo le Siisii Uamea Mamafa i totonu o Samoa. E matua alofa tele i lea taaloga ma e maliu lava a ua aga’i atu e faamaopoopo se malaga mo ni tagata si’isi’i u’amea mamafa se to’alua o le atunuu i Uzbekistan. 

“I le asŏ, ou te fia talosaga atu ia te outou, lana ‘au si’isi’i u’amea mamafa ina ia faamolemole-‘ia ‘aua ne’i outou faamaumauina lana miti ma latou outou miti,” o lana faaaliga lea.  Fai mai Francine o le a na misia lana uo e sili ona lelei.

 “O is o se tagata e sili ona magafagafa ma alofa ua ‘ou iloa,” o lana faaaliga lea. 

“I le faagasologa o tausaga o la ma faaipoipoga, Ua ‘ou iloa lelei o ia o se tagata e tumau lona agalelei ma le onosa’i ma o i matou o ni uo ua sili ona lelei, o lo’u taula ma lo’u papa.” 

Na toe ta’ua foi e Francine le aso na fanau ai Trey-le atalii o Aitken. 

 “Ina ua mavae le sefulu ma le fa tausaga o la ma faaipoipoga, na faamanuiaina i ma’ua e ala i se atalii manaia o Trey poo Aitken III talu ai e mana’o o ia (Aitken) e faaigoa o ia o Trey,” o lana faaaliaga lea. 

 “O le aso aupito i fiafia lea o lona olaga, ina ua na umia lona atalii i ona lima. E matua pele lava Trey ia te ia (Aitken) ma na te faitauina ia Trey i taimi uma se tala a’o le’i moe pe na faapefea ona o sau o ia ia i ma’ua. 

Fai mai a ia, “Trey ua e iloa sa ma saili mo oe mo le sefulu ma le fa tausaga. 

Sa ma matua tatalo ma le faanaunau i le Atua ma o se tasi aso na afio atu ai Iesu i le maota o le Atua e saili oe, ae na te le’i mafai ona pu’e oe talu ai sa e fetamo’ea’i solo.” 

Sa mulimuli ane ona Ia maua oe ma na e pa’ū mai fetu i totonu o le manava o lou tina.” 

Sa toe ta’ua e Francine e faapea o le a faigata le olaga e aunoa ma Aitken ae o le a tuu atu lona talitonu atoatoa i le Atua.

 “Aitken, o le a ‘ou misia aso o a ta ‘aiga i le taeao i fale’aiga,” o lana faaaliga lea.

O le alofa na e faaalia, o au mea malie, o lau ‘ata, sa e fuafuaina a ta malaga uma, o lou poto ma au talanoaga ma tagata uma tou te feiloa’i.” “O lou alofa ma le faapalepale mo lou aiga, au tagata si’isi’i u’amea mamafa, lau IPC ma le aufaigaluega, o lou tuua faafuase’i o a’e ua nuti lili’i ai a’u i ni fasi mea e miliona, ae ou te iloa e tatau ona ‘ou lototele mo Trey. 

“Ua na o oe lava ou te alofa moni i ai ma o lea ua tuuina atu ai lou faatuatua i le Atua talu ai o Lana fuafuaga lea. “O le mea lea le Atua e, ua ‘ou tu atu i ou luau a na o se auauna faatauvaa-na e aveese Aitken i le Aso Tofi o le vaiso talu ai i le va o le itula e 3 ma le 4 i le afiafi. 

Ou te aioi atu ia te Oe ina ia e alofa mai ia te a’u ma ia faamolemole ma talia mai o ia i totonu o le potopotoga a lou malo ma o se aso ona tatou toe feiloa’i lea i totonu o lau faapotopotoga. 

 “Aitken o le a faaauau pea ona ou tatalo ma ofo atu se misa sa mo oe.” Ina ua mavae le misa sa mulimuli, sa avatu loa Aitken i le fanua tanu o lona aiga i Fale’ula e lagomau ai.

17 December 2015, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>