Taugata le soifuaga

By Ulimasao Fata 17 November 2017, 12:00AM

O le maualuga pea o le tau o le soifuaga I Samoa o le fa’apogai lea o fa’afitauli o lo’o tutupu pea I totonu o aiga I Samoa.

O le saunoaga lea a le Tina ia Fetu Fetaia’i e 77 le matua o lona soifua mai le afioaga o Faleula-uta.

Na feiloa’i atu le Fofoga o Samoa I le Tina ia Fetaia’i I le aso ananafi ao faia ana galuega I lana fanua I autafa ane lava o lona fale.

Na ia saunoa ai o ia sa aumau atu I Niu Sila ae ua toe foi mai I Samoa ona e sili lava Samoa I lona fatu.

“Na ou I Niu Sila pe a ma le tasi ma le afa tausaga ma si a’u fanau, ae ua ou toe foi mai nei ona ua ata lagona lava e le’o lota aiga lea.

“E fai si tele o le ese’esega o Samoa nei fa’atusa atu ia Niu Sila ona a leai sau galuega e mautinoa lava le le maua o se mea e te nofo ai ona e tupe uma mea uma.”

Na saunoa le tina ia Fetaia’i talu lona toe foi mai I Samoa nei ua fai lava si taugata tele o tau o mea ua iai nei Samoa.

“Ua fai lava si taugata tele o oloa ua iai nei I Samoa, ma ua fai lea ma faigata ma fa’afitauli I nisi o aiga I Samoa nei.

“O le isi me I le taimi nei I Samoa ua taugofie atu ai le tau o le vae moa nai lo le tau o le apa eleni pei ona iai I aso ia ua mavae.

“O Samoa foi e lasi le mau I mea tau fanua e galulue ai ia ma nonofo ai foi ma tausi ai o tatou aiga.”

Saunoa foi le Tina ia Fetaia’i o le isi vaega o le taugata o le soifuaga I Samoa nei ona o le tele o fa’alavelave fa’a le aiga I Samoa nei.

“O le isi lea mea ua fai ai ma o tagata Samoa I atunu’u mamao ona o le alo mai I nei mea fai o fa’alavelave o aiga.

“O nisi aiga I Samoa ua na’o le fai lava o saogamea mo fa’alavelave ae ua galo ona fai meaaoga a le fanau.”

Saunoa foi le Tina ia Fetaia’i o fe’ese’eseaiga ua lolofi mai totonu o aiga I lenei vaitau ua mafua ona o le taugata tele o le soifuaga.

“O sauaga I tamaitai ma Tina ua mafua mai I le taugata o le soifuaga ona ua fai mai Tama o aiga o lo’o fa’aaoga e Tina tupe I o latou Bingo”

By Ulimasao Fata 17 November 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>