Ia poto le fa’asoa

By Ilia L Likou 17 October 2017, 12:00AM

O le  maua ai o le fa’atalatalanoaga a le Fofoga o Samoa ma Pasi Uini na ia fa’ailoa o le taimi lenei ua le’o toe faigofie Samoa i le mea lea ua i ai.

“Ia e pei o le tulaga lava lea ua i ai le taimi lenei ,o le taugata ua i ai le tau o le soifuaga ona  o nai o tatou aiga.

O Passi e to’alua lana fanau ma le tinā o le aiga.

“Ia a mafaufau atu ai lava le taimi lenei, ia o se itu faigata tele pe a fa’apea na o le selau tala le totogi i le vaiaso.

“E fai o le faigata ai ona fa’atino o so’o se veage ae o le taumafai lava lea ina i’u manuia o so’o se taumafaiga o lo’o ua i ai nei aemaise lava i lumana’i o nai o tatou aiga.

Na ia fa’ailoa afai ae fa’aopopo atu i le taumafaiga o a’oa’oga a le fanau ma nisi o vaega e pei o mea fa’alelotu ma fa’alavelave ona faigata atu lava lea.

“Ia e pei o lo’u lea iloa i ai, o se itu e ao lava ona o tatou va’ava’ai i ai ina ia mafai ona fa’atino o so’o se vaega aua lava le aga’i atu ai le lumana’i.

“E le faigofie nei aso ua i ai, e ao ai lava ona fai mea uma ma le poto o le fa’asoasoa.

“E pei ona ou fa’ailoa muamua atu ua leai se vaega o toe faigofie i nei aso, ua matua’i leiloa lava le ituaiga minoi e mafai ona minoi ai ona o le tele o le mau suiga ua i ai nei.

“E mafua mai uma, ona o le taugata o le tau o le soifuaga o lo’o ua tatou i ai nei.

Na ia fa’afetaia pisinisi Saina o lo’o ua fai ma fa’amama avega i lenei vaitau.

“Ia e pei ona faleoloa nei o lo’o ua fesoasoani tele mai mo lo tatou ola o lo’o ua i ai nei, i a te a’u lava e leai lava se mea o toe faigofie ae o le manatu lava i aiga ma fanau o lo’o una’ia ai lava mo le fa’atinoina o galuega ua mafai ona maua mai lenei taimi.

By Ilia L Likou 17 October 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>