Lau aganu’u nei galo!

Tusia Sarafina Sanerivi ,

157 Hits

Semau Iafeta, 56 tausaga mai le afioaga of Sale’aula.

Semau Iafeta, 56 tausaga mai le afioaga of Sale’aula.

O lea le finagalo fa’aalia o le tamā i a Semau Iafeta e 56 tausaga mai le afioaga  o Sale’aula, o lona taofi,  a le mafai ona toe aputiputi vave mai i le taimi lenei tu ma aganu’u o le a le taumate lona mou malie atu.

I le fa’atalatalanoaga ai ma le Fofoga o Samoa, na ia fa’ailoa ai o suiga ua fetulani mai ua avea lea ma fa’afitauli o le ā solo ai i tua olaga o tagata mai le masani na ola ma soifu’a  ai Samoa.

“Ia ou te iloa ua tele le suiga, e pei e televave tele le olaga i Apia, ia ae ua tatou i ai i le taimi fo’i lele o le mea lava e lelei e Apia e lelei fo’i Savai’i.

“ Ia o nei  Savai’i ua tele ina maua uma e tagata vaega o lo’o maua fo’i i Upolu, e pei o feso’otaIga televavave , ia ua tofu telefoni uma tagata.

“O lea lava fo’i ua maua e Savai’i, e pau lava le mea lea ua ou titilo fo’i lele i ai o tu ma aga.

“Ia ua o tatou va’ai i suiga ma ua televave mai lava.

 “E pei o Savai’i o lo’o malosi ai tu ma aga fa’aSamoa ae  o Upolu ia e pei ua ola fa’apalagi uma tagata.

Na ia ta’ua o le tele o suiga o lo’o ua i ai nei ua amata mai lava i totonu o aiga ma o se itu e ao ona toe silasila i ai.

“Ia ua tau leai ni fale Samoa ae o fale Palagi, ia o le amataga mai lava ia o lalo e ‘a’ai ai ia a lea ua alu  alu ia lea ua ‘a’ai i luga o laulau.“

E  pei ua mou atu le tu fo’i le le e te fa’atali ma le apa fafano i tua e fa’atali se’i uma ona tali le sua a le toeaina ma le lo’omatua a uma ona e sau lea e aumai i luma ia ma avatu ni fa’amanuiaga.“

Ia o nei aso ia ua ‘a’ai fa’atasi luga o laulau, o fanau, matua , ta’ito’alua, o suiga ia lea ua va’ai atu ai nei i ai.“ Ia tatou va’ai atu i la’ei ma lavalava, ia o le mea lava lea o lo’o malosi lava ai  le tu ma aganu’u i Savai’i, ia o laei.“

Ua ou va’ai lava i ai, ia ua matua’i sui lava, ia o polokalame e pei o ta’aloga ua o ai tamaiti ma aga’i atu ai le fanau.

“Ia ua matua tele lava le suiga, masalo o le isi 20 po o le 50 tausaga ua mou atu le aganu’u ma le fa’a-Samoa o lo’o o tatou ola ai.“E leai lava se isi mea e sili ona malosi e taofiofi mai le aganu’u nai lo Pulega a Ali’i ma Faipule aemaise o le pulega matai.

“Ia ma le galulue fa’atasi o itutino uma ina ia tatou taumafai e taofiofi tu ma aganu’u.

© Samoa Observer 2016

Developed by Samoa Observer in Apia