Ofoina le ola o Tele’a mo lona aiga

By Talimalie Uta 17 September 2017, 12:00AM

Ola mo isi, o le manatu lena ale ali’i ia Tele’a Posala, 18 o Tanumalala. 

Sa maua le avanoa a le Fofoga o Samoa e fa’atalanoa ina ai le ali’i ia Tele’a ao lo’o galue ai ile fa’ato’aga ale latou aiga.

“E le’o se mea faigata le filifili po’o le a le mea e te mana’o e o’o i ai lou ola. Pau le itu e faigata ai o le sailiga lea po’o ai olea e ofo iai lou ola ete tautua ai.”

“I le taimi la lenei, o’u te le toe a’oga aua ua o’u nofo e ofo lo’u ola aua le tausia ina o nai o’u matua aua ua fa’asolosolo fo’i ina matutua.”

“O le filifiliga lava ua o’u faia male mautinoa e iai lona taui lelei ile lumana’i.”

Sa tu’ua e Tele’a le aoga i le tausaga 2012 i le vasega 11.

“O’u te fiafia lava o’u te alu i le aoga, tele fo’i tamaiti e fa’amasani i ai ae tele fo’i a’oa’oga maua mai ai, ae e sili atu le ola o matua nai so’o se mea lava o lenei olaga.”

O Tele’a o le ulumatua lea o le fanauga.

“Ia o a’u o le ulumatua ma o lo’u tiute lava o le gafa lea male va’aiga o o’u matua.”

“Aua ua fa’asolo fo’i ina matutua.”

“E le fa’apea la ua tuua le aoga ma mea olea fa’amuta ai i, leai, o lea lava e va’ava’ai atu lava aga’i i le lumana’i pe toe fo’i i le aoga pe sa’ili loa se galuega.”

“O lea lava ou te laititi ma e le’i taitai fo’i se olaga, o lea lava e tele avanoa e tautua ai i le aiga ma sa’ili’ili manuia ai aga’i i le lumana’i.”

“I le taimi fo’i nei, e le toe maimau lava se taimi, aua e taua uma minute o lenei olaga.”

“Po’o lea lava le faigata ole olaga lea aga’i atu ai i luma, e taumafai pea e sa’ili’ili mea e manuia ai.”

By Talimalie Uta 17 September 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>