Galue mo se tupe fa’asili

By Vatapuia Maiava 18 September 2016, 12:00AM

O le tamā i a Fesola’i To’alua o Faleasi’u e to’atolu o la alo ma le tinā o le aiga, ma o le taimi lenei o lo’o faigaluega le fanau ma e le’o tu’ua ai lo la galulue e fesoasoani ai pea mo le aiga.

O le fatalatalanoaga ma le Fofoga o Samoa i le aso ananafi, na ia fa’ailoa ai e pei o le tupe fa’asili lava o lo’o galulue ai i le taimi lenei.

“Ia e mo le silafia ai o le tausiga lava o aiga ma le tele o le mau fa’alavelave e ala ai lava ona o’o mai i’inei mo le fa’atauina o vaega nei.

“O se itu e ao lava ona ave ai le fa’amuamua i taimi uma aua ou te ta’utino lava a’u ua le toe faigofie nei aso ona ua taugata le tau o le soifuaga.

“Ia o aso ua lelei o aso fo’i ua masei, ae o le tu’u ai lava o le lotu e mafaia ai lava mea uma.

“O le mea lea e i ai la’u pisinisi tusa ou te fa’atauina mai le niu i le $1 ia na ou toe fa’ataua la’ia i le $2 i le niu.

“Ua matutua ma faigaluega le fanau ae le’o mafai ona lava le totogi mo le tausiga o le aiga.

“O le taimi lenei o lo’o o’u titilo atu fo’i i le maua ai o nai maketi e pei o faletalimalo po o nai fale’aiga e ave ai le niu.

“Ia e moni lava o lo’o faigaluega le fanau ae o lo’o  fa’apea ona galulue pea ma’ua ma le tinā  mo le fa’atauina atu o nisi o vaega nei e pei ona i ai niu.

“O le fa’atoā tatalaga o le maketi na faapea na amata mai ai ona fa’atauina niu nei i le maketi lenei.

“O lea lava e sailiili i pisinisi laiti, ma le galue malosi lava.

 “O lo’o i ai fo’i le fa’ato’aga.

By Vatapuia Maiava 18 September 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>