Manatu o le Fa'atonu - Tapā tamā ina ia tula’i mai

By Mata'afa Keni Lesa 17 August 2016, 12:00AM

Ma o lea ua tatou taunuu mai i lenei aso. Na o’o mai le Aso o Tamā ma ua mavae atu. I Samoa nei ma isi lava atunuu e latalata mai ma mamao atu, sa faaaloalogia tamā i lona tulaga aoao ina ua tuuina atu e le atunuu le faafetai e tusa ai ma latou matafaioi i totonu o aiga. 

That’s true in many ways in this country.  I totonu o le Tusi Paia, ua faatatauina matua e avea ma mamalu o a latou fanau. O lona uiga e faapea toetoe lava o taimi uma, o se tamā-o le toa muamua lava lea a lona atalii, ma o lona afafine-o le alofa muamua lava lea. 

E ui lava ina tatou talia e faapea o loo i ai tulaga e ese ai i totonu o nisi aiga lea sa to’esea ai ni tamā, ae tatau lava ona faapea atu o le avea ma tamā e taua tele. O lona tulaga lelei e mafai ona fuafua ai le taunuuga o se aiga, aemaise ai lava tamaiti.  E pei lava o le faiga o loo tatou viia ai le matafaioi a tina e ala i le tausiga o aiga, ua i tamā foi se matafaioi taua faapena. Ua ia i latou se matafaioi e ta’ita’i ai o latou aiga. I totonu o se atunuu Kerisiano e pei o Samoa, ua tatou iloa o tamā o ta’ita’i ua faapa’iaina.

Pe e te ioe i ai pe leai, o loo faaalia manino e le Tusi Pa’ia  e faapea o ia o le ulu o le aiga. O lona uiga e faapea i le avea ma ta’ita’i, ua ia te ia se tiute tauavea e faatulaga ai le lumana’i o lana fanau e ala i lana tofā, silasila mamao ma galuega faatino. 

O le mea moni, o loo tatou soifua i se lalolagi lea o loo i ai le manatu e faapea o ta’ita’i, e ta’ita’i  e ala i se faataitaiga e matua tausisia ma faaaloalogia. O lona uiga e faapea i le avea ma ta’ita’i, e mafua ona i ai tamā-ina ia una’ia i latou o loo mulimuli ane e ala ia latou faata’ita’iga ma le fai o faaiuga poto. 

I se tasi faaupuga, e tatau ona latou faata’oto ni8 faata’ita’iga mo a latou fanau ma tagata e mulimuli ai –ina ia le mafai ai ona latou se ese ma le ala.

Ae peita’i-e le tupu i taimi uma se mea faapena. Ma a tilotilo i lo tatou lalolagi i aso nei, e tatau ona faailoa atu e faapea o le toatele lava o i tatou i le avea ma tamā ua tatou le mafaia ona una’ia i latou e mulimuli mai ia i tatou. Ua tatou le mafai ona una’ia o tatou ta’ito’alua ma tamaiti ma o lona taunuu ua manino lelei lava..Matou te le tau faailoa atu ia te outou  le mea o loo tupu i totonu o Samoa i aso nei faatasi ai ma nei faafitauli lautele uma.

O le mea matou te loto e faailoa atu e faapea o faafitauli lautele o aso nei e manaomia ai tamā ina ia tula’i mai e nonofo i o latou nofoaga e tatau ai. O lea matou te talanoa atu e uia ia latou matafaioi e faaleleia ai mea faatauaina, faiga faavae ma faiga autu i totonu o a latou fanau. E tatau ona latou tuuina atu le vaaiga tau sili ma le aoaoina lelei ina ia tutupu a’e a latou fanau –e le toe se’e ese ai. 

A tatou faatali teisi mo sina taimi ma mafaufau i lu’itau e pei o amio le lelei a tupulaga talavou, kegi ma isi lava mea, o i latou o se ata lafoia o se atunuu ua le lelei ona faafoe-lea ua le mafai ai e tamā ona faafoe.

O nei tamaiti ua leasi so latou faasinomaga ma o loo latou saili mo se nofoaga e faasino tonu i ai. O fea o latou tamā? O a latou mea sa fai? Aisea ua latou tāpā ai latou e o atu, faanonofo i latou i lalo ma fesoasoani ia i latou ina ia tutupu a’e e faatino lo latou tulaga lelei atoatoa o le olaga nei? E lelei ona tatou manatua iinei ma le taimi nei e faapea o nei tamaiti-i le tulaga muamua ma le faamuamua-e faasino i o latou matua.

O i latou o sui o aiga, nuu, ekalesia ma le ata lautele e faapea o i latou o fanau a le Atua. O le mea moni, o i latou o fanau a le Atua Silisili Ese ma e tatau ona latou amio faapena. Ma afai o loo tauivi tamā e faatino a latou matafaioi, ia ‘aua ne’i sopoloa lau silasila i lo le faataitaiga na faataatia e le Atua e tusa ai ma lona Alo o Iesu Keriso. E alofa muamua le tamā ia te ia ma e faamuamua i mea uma. Ma i le avea ma atalii, sa usita’i Iesu se’ia o’o lava ina maumau ai lona soifua.

O le a se mea o ta’u mai ia i tatou e lena mea i luma atu o mea uma, i le avea ma tamā-ua i ai lo tatou tiute tauave ia alofa ia tatou fanau tusa lava pe o le a le tulaga e o’o i ai. E ala i lea alofa o le a tatou manumalo ai i o latou loto, ia e tusa ai ma le tulaga mautinoa e tatala ai le faitoto’a ma tatou saofia ai i totonu e una’ia, faala’ei’au ma una’i i latou ina ia ‘ausia le mea sili latou te mafai ona ‘ausia.

I nisi taimi-ona pau lava le mea latou te fia faalogo i ai o loo tatou ta’u atu lea ia i latou tatou te alolofa ia i latou. I totonu o se atunuu e pei o Samoa, e faigata lena tulaga i nisi taimi. E le o lauiloa i tatou i le faailo atu o lo tatou alofa ia tatou fanau. Ae atonu o lena tulaga ua tatau ona sui. 

O loo tautala le Tusi Paia i le mana’oga mo tamā ona faamalosi ia latou fanau. E o’o lava ia Iesu Keriso sa faamaonia e lona Tamā i le taimi na fetalai atu ai o Ia “o lo’u atalii pele lenei  ou te fiafia i ai.”

O le mea lea-aua e te ma e faamaonia lau fanau  i luma o tagata. O se mea tatau, e le o se solitulafono. E leai se tau o le fusi, e leai se tau o se laumata fiafia ma fai e te lagona ai ua alofagia oe –ma o le lagona e sili ona lelei i le lalolagi. O se vaega tele o suesuega ua faaalia ai le matafaioi autu a tamā e faatino i totonu o le atiina a’e o fanau, aemaise ai lava afafine, e avea ma tagatanuu soifua maloloina, faatuatuaina, mautu ma tagatanuu aoga. Ae matou te faapea atu ua i tama se tulaga taua lea e sili mamao atu o ituaiga e masani ai-ia tatou te tafi ese i Aso uma o Tama.

E faapea ua faauuina i latou e le Atua ina ia avea ma ona foliga i totonu o mata o tamaiti. I taimi faapenei, o le mana’oga ina ia tutū faatasi ma faamalosia sootaga a aiga o se mea lea e tatau ona fai. Ia ‘aua nei o tatou nofonofo  ma faataga faafitauli  ua tatou vaaia i aso nei e faatama’ia lo tatou atunuu  ma le mea na fuafua e le Atua mo i tatou ina ia maua. I Aso nei, ua i ai lo tatou Faavae lea o loo mausalī o tatou sa’olotoga ma aia tatau a tatou fanau ma ioe, ua ia i tatou foi se avega tauave i le isi tagata, lea ua avea ma nonoa e le mafai ona aveeseina-lea o loo noa mau ai atoatoa lo tatou maopoopoga.

Ma ona o lenha maopoopo ma le talitonu i le faimea tonu ma le tulaga lelei mo tagata uma, atonu tatou te le mafai ona fo’ia lu’itau uma o loo tatou faafeagai-ae tatou te mafaia, pe a itiiti mai , i le fesoasoani o le tasi i le isi e fai ni faavae malolosi –ia e mafai ona tatou ola fiafia ai ma ni soifuaga aoga. Ia outou maua se vaiaso uiga ese Samoa, ma ia faamanuia atu le Atua!

By Mata'afa Keni Lesa 17 August 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>