O a’u o le milionea – Maselino

Tusia Fetalai Tuilulu’u ma Aruna Lolani ,

152 Hits

Maselino Alai o Leulumoega Uta.

Maselino Alai o Leulumoega Uta.

O lea le tulaga na fa’ailoa e le tamā i a Maselino Alai o Leulumoega-Uta i le Fofoga o Samoa.

“Afai e te fesiligia mai a’u po o le a sa’o lava le uiga o la’u tala, ona ou fa’apea atu lea o a’u e tele a’u tupe aua e fai la’u fa’ato’aga fuala’au aina e fa’atau atu le mamalu o le atunu’u i aso uma.

O Maselino o ia o se tasi o fai fa’ato’aga ua loa tausaga o avea o ia ma fai fa’ato’aga ma na ia fa’ailoa o se alagatupe lelei tele mo le tausia ai o lona aiga.

 “O a’u e to’aono la’u fanau, ma e le’o tagi lava i se isi mea le tausia ai o le aiga, ole taimi lenei o lo’o tausi ma fa’aooga i le fa’ato’aga lenei.

 “O le tele o tagata o lo matou nu’u e ta’u ai o le milionea, aua o lo’o silifia lelei tulaga o lo’o tele ai a’u tupe i aso uma.

 “O le olaga lava lenei na  sau a’i, ma o lo’u ia iloa, o se itu e matua aoga lava aua le aga’i ai le lumana’i ma tulaga fa’apena.

 “O se itu lelei tele mo le maua ai o tupe i aso uma.

“O le taimi lenei e tusa ma le 20 pepa kukama e mafai ona fa’atau atu i aso uma i le $8 i le $10 ia ma e tusa ma le $120 le tupe e maua mai ai.

“Ia o nisi o aso o kapisi e fa’atau i le $3.

 “O le matu’ai tele lava o le tupe na mafai ona maua mai lena vaitau, ma o se fiafiaga lea i a te a’u e finau ai pea e fa’aauau lea tulaga aua le aga’i atu ai le lumanai.

“I a te a’u ia, ia e fa’aa’o fo’i le fanau ina ia matutua ane o lo’o mafai ona fa’atino o so’o se tulaga o lo’o manatunatu aua lo latou ola tuputupu a’e ma so latou lumana’i manuia.

© Samoa Observer 2016

Developed by Samoa Observer in Apia