O le sami lava e tua iai

By Aruna Lolani 17 June 2017, 12:00AM

O le maua ai o le fa’atalatalanoaga le Fofoga o Samoa ma le tamā ia Peni Na’ilai, 40 tausaga le matua le soifua o Tuamua o lo’o fa’asavali solo ana i’a le auala mo se tupe fa’asili. 

O le matou aiga nei e leai se tasi e faigaluega ua na’o le sami lava o lo’o faamoemoe iai le aiga e oo foi i tuagane ma aiga o lena lava

“E moni lava e le’o iai ni galuega ae o le fiafiaga o lo’o atia’e lva e le tagata ia mo lona ia manuia lona olaga ae le’o le faalagolago fua i nisi tagata

“E moni lava i nei aso ua taugata le soifuaga ae o le galue lava o le tagata ia ma faamaoni mo lona aiga e leai se mea faigata ai

“I le taimi nei ua le toe taugofie le soifuaga ua tupe uma mea e lu’iina ai foi mafaufau o nisi o tama o lo’o faavaivai ma faapalapala i lenei taimi

O e talitonuga o le tama ia Peni, o luga lava o le tagata ia ma lona faatamala ua le manuia ai lona aiga

“A paie le tagata e galue o lea le mea a maua i le lumanai ma aso a sau

“I e taimi nei oute naunau e saili sa’u galuega ae o lea e tau faataatitia fuafuaga mo se fale ma mea faapena aua e le faamoemoe tele i matua ae ia galue alava le tagata ia mo ia lava ma lona aiga ma lana fanau

Ua maitauina foi e Peni le tele o suiga ma luitau i lenei olaga, ae o lana mau o le galue lava mo aiga ma fanau

“O le naunautaiga sili lava lena ia maua ni seleni mo fanau aemaise ai o se lumanai manuia mo aiga i le aso o i luma.

“Ia e pei ona lua maua mai foi lenei taimi o le aso lo’o fa’atau lava i’a na maua mai le faiva. 

“O a’u e fa’atolu na ou alu te fagota le vaiaso ae fa’alu ai le aso. 

“Ia o le masani lava la lenei a ma’ea mai le faiva ua savili solo i nei e fa’atau aua se selei maua. Talu ona ou nofo mai le galuega o le fagota lava sa tausi ai le aiga. 

“E pei lava e leai se eletise ae te le’o popole iai ona e ave lava le fa’amuamua i le fanau. 

By Aruna Lolani 17 June 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>