E faigofie mea uma i lo’u iloa

By Aruna Lolani 17 June 2017, 12:00AM

O le maua ai o e fa’atalatalanoaga le Fofoga o Samoa ma Lolani Tala o Tuana’i sa ia taua ai le taua tele o fanaua ma eleele i totonu o Samoa. 

O ia o se ali’I talavou faifa’atoaga ma mo le silafia foi o le nu’u nei o Tuana’I e tele lava le tamaoaiga e ao ona malamalamama iai.

O lenei ali’i e 25 tausaga le matua le soifua ma o lo’o galue I lana fa’atoaga koko ma nisi o faulaauaina. 

“Ia mo le silafia, o nei lava ia matou I Tuana’I e pei o le koko lava e tua ia ma o le alagatupe lava lea. 

“E pei ona silafia o le auala mai lava lea I luga e alu lava gai gauta e toaga koko loaloa atu. 

“Ma o le ala tonu lava foi lea le na taua nei Tuana’I o le puna o le koko Samoa. 

O le maumaga lava o lo’o galuega ai Lolani le taimi nei. 

“Ia ou te lei faigaluega muamua lava e ese mai nei lo’u maumaga. 

“O le auala foi lea o lo’o faia nei e tautua ai le tinā ma fesoasoani ai foi le au faigaluega mo le tausiina le aiga. 

“E taumafai lava i le mea e gata ai le mafai ina ia maua mai lava se mea’ai a o’u matua i aso uma” o lana tala mai lea.

“Tusa lava pe timu pe la, ou te ‘au malosi lava aua e le toe maua ni matua pe a uma atu matua o iai i le taimi nei.”

“Ou te lotu ma ou te mafuta lava i le Autalavou ina ia mausali pea lo’u lototele ou te galue mo nai o’u matua.”

“Ia o lea foi la pei ona tau mai lenei itula o le aso o lo’o faifai atu nai galuega. E usu uma le au faigaluega ae ou usu mai a’u i nei. 

By Aruna Lolani 17 June 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>