Suiga o tau-fa’aopoopo o le eletise : Laualuga i feutaga’iga

Tusia Sarafina Sanerivi ma Fa’aliliu e Maiava ,

155 Hits

MAE’A FEUTAGA’IGA I LE ASO ANANAFI: Mai le agavale - Tuiletufuga Siaosi Tuiletufuga (Pulenu’u o Apia), Unutoa Auelua Fonoti (Pule Fa’atonu) ma Papali’i Ioane.

MAE’A FEUTAGA’IGA I LE ASO ANANAFI: Mai le agavale - Tuiletufuga Siaosi Tuiletufuga (Pulenu’u o Apia), Unutoa Auelua Fonoti (Pule Fa’atonu) ma Papali’i Ioane.

E ono iai ni suiga fa’aopoopo i le tau o le eletisi i le isi tausaga fa’aleTupe o soso’o nei, le 2016/2019.

O le taunu’uga lea o le Iloiloga o Lafoga Fa’aopoopo o Tausaga Ta’itasi ma le fuafuaga mo ni suiga o lafoga fa’aopoopo o le eletise, sa tu’uina ati e le Fa’alapotopotoga o le Malosi Tau Eletise i le Ofisa o le Pule Fa’atonu i le Aso 26 o Me, 2016.

I lalo o le Tulafono o le Eletise 2010, e tatau i le Ofisa o le Pule Fa’atonu ona faia ni feutaga’iga fa’alaua’itele a’o le’i faia se fa’ai’uga i le fuafuaga lea a le EPC.

O le fa’amoemoe, o le sa’ilia lea o finagalo o pa’aga uma a le EPC e uiga i lea fuafuaga, ma fa’atino Iloiloga Fa’aleTausaga i A’afiaga o le Totogi fa’aopoopo ia i tausaga ta’itasi.

Leva ona faia fa’atasi e le Ofisa o le Pule Fa’atonu ma le Malosi Tau ‘Eletise, feutaga’iga ma vaega tuma’oti, o Matagaluega a le Malo fa’apea pulenu’u o afio’aga ma alalafaga, e uiga i tau-fa’aopoopo nei fa’atasi ai ma le fuafuaga o le fa’atulagana fou o ia totogi fa’aopoopo ma le tau o le ‘eletise. 

O le vaiaso nei, na o’o ai le fa’asologa mo Upolu nei, e fa’afofoga ai i ia fuafuaga ma fa’asoa atu fo’i o latou finagalo i vaega e ao ona fa’aleleia. 

O ananafi la, le avanoa o le pulenu’u o le afio’aga o Apia ma e silia i le limasefulu isi pulenu’u mai afio’aga ‘ese’ese i le talafatai o Apia sa ‘auai i le Potu Fono i le Maota o Tui Atua Tupu Tamasese ‘Efi i Sogi. 

“O lo’o fa’agasolo i le taimi nei, fetufaa’iga mo sui o le atunu’u ina ia malamalama lelei ai i le mea sa tupu ae maise fo’i tulaga o le a o’o iai i le lumana’i. E anoanoa’i fo’i saunoaga ma fetalaiga mai sui nei, i tulaga e ao ona fa’aleleia atili, ae maise o finagalo e fia fa’aalia,” o le fa’aaliga lea a Unutoa Auelua Fonoti.  

“O le a tu’u-fa’atasia e le Ofisa o le Pule Fa’atonu saunoaga uma mai le mamalu o le atunu’u, o vaega tuma’oti, o Matagaluega a le Malo, o Pulenu’u ma Sui o Nu’u, e fesoasoani mo le Toe Iloiloina o le Fuafuga lea a’o le’i faia se fa’ai’uga mulimuli a le Pule Fa’atonu. 

“A mae’a loa se fa’ai’uga a le Pule Fa’atonu, ona fa’ailoa loa lea e EPC i le mamalu o le atunu’u e vaega fa’asalalalau a’o le’i amata fa’amamaluina.” 

I se tapenaga tusitusia a le Ofisa o le Pule Fa’atonu na maua e le Samoa Observer, o lo’o ta’ua ai, o le a fa’aauau pea ona iloiloina e le Ofisa o le Pule Fa’atonu, le fuafuaga lea ma o le a ulua’i fa’ailoa atu ana su’esu’ega i le latou ‘aufaigaluega pe a mae’a, fa’atasi ma le fa’atinoga le-tumau ua fuafua a’o le’i mae’a le masino o Iuni, 2016.  

“I le va’ava’ai atu lava iai ina ua mae’a le iloiloga muamua, o se tulaga lelei mo le EPC ma o lo’o atagia ai le fa’aauau pea ona fa’aitiitia o lafoga fa’aopoopo i le isi tausaga fa’aleTupe,” o vaega ia o tapenaga a le Ofisa o le Pule Fa’atonu.  

I lalo o le Tulafono o le Eletise 2010, o le ‘umi e mo’omia e faia ai se fa’ai’uga a le Pule Fa’atonu – e talia pe leai ai se fuafuaga mai se tasi e iai se laisene pei o le EPC, e ono masina. 

Lona uiga, afai sa tu’uina atu le fuafuaga lea a le EPC i le Aso 23 o Me, 2016, e tatau ona o’o atu ia Novema, ua fai se fa’ai’uga a le Pule Fa’atonu.  

O le a talimalo fa’atasi le EPC ma le Ofisa o le Pule Fa’atonu, i feutaga’iga o le a faia i Salafai i le vaiaso fou.

© Samoa Observer 2016

Developed by Samoa Observer in Apia