Fa’alauiloa le 23 Filifilia a Namulau’ulu mo le Ta’aloga ma Fiti

By Sarafina Sanerivi 17 June 2016, 12:00AM

Lea ua fa’alauiloa mai e Namulau’ulu Alama Ieremia lana ‘Au e 23 ua filifilia e fa’afetauia le ‘Au a Fiti i le ta’aloga a-taeao i Suva.

Ma e tele se suiga ua matauina nei, mai le Manu Samoa lea na tutusa ma Georgia i le vaiaso talu ai. 

O le ta’aloga lea i le Aso To’ona’i, o le ta’aloga amata lea a tama o le Manu i le ta’amilosaga mo le Ipu a le Pasefika. 

I le amata o le vaiaso, na fa’ailoa mai ai e le Faia’oga-ulu i le Samoa Observer, o lo’o taumafai lava e fili sa ‘au e sili ona lelei mo lea fa’amoemoe.

O le mafuaga, ona e fai lava si malosi o le ‘Au a Fiti.

“E matua ‘ese lava le tulaga ua iai nei le ‘Au lea a Fiti, i le va’ava’ai atu iai, ua sa’ili lava a latou tama aupito lelei,” o le fa’aaliga lea a Namulau’ulu a’o le’i tu’ua e le Manu Samoa le atunu’u.

“Pei fo’i ona fai atu muamua, ‘ou te le’i fiafia tele i le fa’ai’uga o le ta’aloga ma Georgia ma ua mae’a fo’i ona matou toe tilotilo iai ma iloilo lelei vaega na fa’aletonu ma mea sa le atoatoa i le Aso To’ona’i.

“O le matou fa’amamafa lena i le taimi nei, o le fa’alelei o vaega ia. Sa le-lelei le fa’atinoga o vaega masani o le ta’aloga fa’apea fo’i le ‘aveina o le polo, o le togiina o polo ma sikalamu. E le’i tele ni avanoa e fa’atino ai isi vaega tatau mo osofa’iga ma e le tatau ona tu’ua’ia le tau ma le tulaga sa iai le aso.

“O le tulaga lena o lo’o ‘ave iai le fa’amuamua i le taimi nei i a matou tapenapenaga mo ta’aloga e lua o totoe. E taua tele ta’aloga nei ma e le ni ta’aloga faigofie fo’i, ae o le a matua tapena lelei iai.”  

Ma ta’ua fo’i, o le filifiliga o le ‘Au e ta’a’alo ma Fiti, sa fua i le lelei o le ta’alo ua iai ae maise latou ua masani i le maualuga lea. 

Sa fa’apea fo’i ona ia fa’ailoa mai, le fa’amanuiaina o nisi o tama-ta’a’alo sa iloga la latou ta’a’alo i le ta’aloga ma Georgia, latou ia na matua finau mai lava ma iloga le tula’i mai i taimi o ta’aloga fa’apea fo’i koleniga. 

O le 23 ua filifilia nei e tauina le taua ma le ‘Au malosi a Fiti a-taeao, e aofi ai:

By Sarafina Sanerivi 17 June 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>