ASO O LE OLIMEPEKA I SAVAI’I: O LE A MANATU PEA

17 June 2016, 12:00AM

E mautinoa lava o le a manatua pea ma fa’alauiloaina fo’i e le Asosi o Ta’aloga a Samoa ma le Komiti Aoao o le Olimepeka, le Aso o le Olimepeka i Savai’i, o se aso ma se fa’amoemoe ua i’u manuia. E silia i le 300 sui o le motu tele i Salafai sa ‘auai, e aofia ai matua,  o tama ma teine-a’o’oga fa’apea fanau laiti sa fa’afiafiaina i aso e lua, e fa’atino ma fa’ata’ita’i ona ta’a’alo i ta’aloga ‘ese’ese e fitu sa 

tapena ma fuafuaina mo latou. 

Na amataina lea fa’amoemoe i le Aso Faraile, 10 o Iuni, e fa’alauiloaina ai ta’aloga ‘ese’ese na faia i le Aso To’ona’i, 11 o Iuni ma a’oa’oina ai le fa’atinoga o ta’aloga ta’itasi. O sui sa resitalaina i le Aso Faraile, sa fa’aalia le naunau e a’oa’o le fa’atinoga ma ‘auala ‘ese’ese e ta’a’alo ai, ma fiafia ai i le  Aso To’ona’i atoa.

O ta’aloga sa faia, e aofia ai 

• Kirikiti Fa’ava-o-malo

• Hockey

• Volipolol

• Pasiketipolo

• Faipelega

• Afeleti

• Tenisi i luga o le laulau (Ping Pong)

O le Aso o le Olimepeka, o se fa’amoemoe na amata e le Komiti o le Olimepeka Fa’ava-o-malo ma le fa’amoemoe e a’oa’o ai ma fa’ata’ita’i i tulafono a le Olimepeka Tu’ufa’atasi ua fa’ata’oto nei mo ta’aloga fou. E tolu ‘autu sa fa’amamafaina, o le “gaioi, a’oa’o ma iloa” na una’ia ai le Aso o le Olimepeka, e fa’agaoioi ai le tino, ia fa’amasani i nisi ta’aloga fou ma iloa le aoga o ta’aloga i so’o se atunu’u ae maise le Taua o le Olimepeka, e finau mo mea sili, ta’alo fa’aTausala ma fiafia fa’atasi ma uo.   

O le tatalaina aloa’ia o le Aso o le Olimepeka i le Aso To’ona’i, na amata i se savaliga aga’i i le Kolisi o le Itu o Tane ma le Fa’amalositino na ta’ita’ia e fanau-a’o’oa. Seanoa le lagolago a le komiti i le Kolisi o Itu o Tane ma fa’alapotopotoga sa fesoasoani e fa’alauiloa lea taumafaiga, e le i’u i se manuia lea taumafaiga matagofie. E momoli ai le fa’amalo ma le fa’afetai i le Autalavou o le Voice of Christ (VOC), le Kalapu a Talavou a Safotu, le A’oga Tulagalua a le Itu o Tane ma le Kalapu a Talavou mai Fagamalo. 

Na va’aia e le SASNOC le tele o taleni ma agava’a o iai i Savai’i ae maise le agaga fiafia o tagata fa’aleleia atili le malamalama i ta’aloga sa faia. O le Aso o le Olimepeka, o se fa’amoemoe e faia i tausaga ta’itasi ma o le a fa’aauau pea ona fa’atino ma atina’e atili i Savai’i.

17 June 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>