Pe a e talitonu e leai se mea e faigata ona fai

Tusia Mata'afa Keni Lesa ,

195 Hits

O le talitonu o le tagata ia te ia lava o se malosi uiga ese lea. Faatasi ai ma faiga e una’i ai a se Ofisa Sili e una’ia- i le tulaga o le faia’oga o Damian McGrath, le mitamita ma le loto alofa o tama taalo e 12 i le atunuu ma i latou lava, o lea sa leai ai se mea- na faigata ona fai e alii o le lanumoana ananafi.

O le mea moni, e o’o lava i le tilotilo mai i lalo o le paelo o le eseesega o le 21-0-e mafai ona luluina ai o latou loto, pe afai ua uma ona tuuina atu e le vaega toatele o tagata  i Alii Fiti saosaoa le Ipu mo le Ta’ito’afitu  HSBC i Pale. 

Ae ua le faapena lenei aso. Ua le faapena pe ana faapea e i ai soo se mea e  fai e lenei vaega faapitoa o tama taalo i lea tulaga. Ua tatou vaaia lo latou tulai mai uiga ese i masina ua mavae. Na ia i latou ni taimi uiga ese, o nisi o tami lelei ona tatou vaaia ai le tulaga e sili ona leaga ia i latou.

Na afaina i manu’a, uiga le tumau ma nisi o isi lava lu’itau ae le ta’ua ai le mea moni o i latou o se ‘au e talavou ma e le lva le poto masani, ae na tatou iloa i se tasi itu-o se aso pe a mafai ona latou galulue faatasi, o le a matua le mafai lava ona toe taofia i latou. 

Ma afai tatou te faamaoni ia i tatou, e le toatele i tatou e ono tuuina atu ia i latou se avanoa i Pale i lenei vaiaso. Ua fai sina vave tele. O le mea moni-na latou ‘ausia le taaloga mulimuli o le Ipu ma o se tulaga lea e sili ona lelei e mafai e le toatele o i tatou ona faamoemoe e o’o i ai.

Ae ui o lea, na iloa e McGrath, Muliagatele Brian Lima ma le ‘au se mea e le iloa e le to’atele o i tatou. Na latou iloa e tutusa lo latou lelei ma soo se isi ‘au sa i luga o le malae. E ese ai ma ‘au o aso ua alu ia e masani ona fiu-gofie pe a maulalo lo latou tulaga i luga o le laupapa e faamaumau ai ‘ai, o nei tama ua uma ona toe faaleleia ina ia ese o latou mafaufau. Ua uma ona ta’u atu ia i latou ina ia talitonu ia i latou lava, ia lagolago i lo latou malosi ma mea e mafai ona fai ma ia faamoemoe ia ‘ausia le vanimonimo.

O le mea tonu lava lena ma o latou faia. 

I le faagasolo o aso e lua ua mavae, sa mulimuli ane ona latou tuufaatasia mea uma. Mai se amataga uiga ese i le taaloga ma Uelese-lea na latou maua ai ‘ai e sili atu i le 50, masalo sa latou mana’omia se faia’ina mataga ia Fit ii le faaiuga o le aso muamua-e taofi ai pea i latou-ina ia ‘aua lava nei aveesea la latou vaai tafatasi pe a tulai mai ni pefea. 

A pa’ia taaloga o le pa’ū ma nofo o le ipu, o Aferika i Saute o se tasi lea o se tasi lea o ‘au e sili ona leaga i le avea ma ‘au e tauva i ai. Ua loa ona tulaga uiga ese i latou i lenei taamilosaga. Ae faauta na sasa’e e le Manu Samoa le tusi o le faatulagaina ma kiki i fafo ina ua latou tauivi ma manaumalo i le Blitzboke ma maua ai se taaloga o le sailiga o le fusi ma Argentina. E lua ‘ai na latou manumalo ai i le Pumas-ae o ai e kea i ai. E le afaina poo le a le tele o ‘ai e te manumalo ai.

O le malo o le malo  ma ona pau lena o le mea tatou te manaomia uma o le faatino lea o le tatou taaloa o le siamupini mo le Ipu i se taimi.  I le taimi nei, o Fiti saoasaoa ia sa le mafai lava ona pa’i i ai se isi. Ua tatou iloa uma lava lo latou lelei, o le mea moni, e i ai foi isi taimi e le lelei ai le latou taalo. O Ben Ryan ma ana tama e maualuga le tulaga na o latou faata’oto mo soo se ‘au e alu atu e faasaga ia i latou  ma o le a maua i taimi uma le matua faigata lava ona aumai i latou i lalo.. I le tulaga muamua, sa faigofie le galuega na o latou faia mo alii o le lanumoana. O le tolu o siko i luga o le laupapa,21-0, o le toatele o i tatou uma sa manatu o le iuga lea. Ae o le itu e sili ona leaga, o le taimi lava na tatou maua ai le tasi, 21-7, sa toe fai e Fiti le isi sikoa e faatele ai o latou ‘ai o loo sili ai, 26-7 i le malologa.  

O le mea e masani ai, a maoa’e faapena ‘ai o loo sili ai Fiti, ona latou tapuni lea o le faitoto’a. Ae peitai-na tatou faalogoina na upu mai le alii o le taimi nei, le faia’oga o McGrath. “Talitonu ia te outou lava, e mafai ona outou manumalo i lenei taaloga,” o lana faaaliga lea i ana tama taalo. “E sili atu ona outou lelei i lo latou.

Fai se sikoa muamua ma tu’u lou vae i luga o le tagata o loo luluina.” O le mea tonu lava lena na o latou faia. E le gata ina maua le latou sikoa muamua, na latou toe maua foi isi sikoa ma e o’o ane i le minute mulimuli, ua i luma i latou i ‘ai e tolu. Ae peita’i –e le’i uma ai iinei. Sa ia Fiti le avanoa mulimuli e gaoi ai le taaloga. Na semanu lava latou te mafaia ma toeitiiti lava o latou maua.

Ae peita’i-o le aso lea o Samoa. Sa faatino e le ‘au le taaloga o latou ola, sa latou pu’e ma o latou fatu ma o se mea lea ua talafeagai ai ma i le faaiuga, o se pu’e faigata lea e ala i le tuuina atu o le tino i luga o le laina-ma o le ituaiga lea o pu’e na mausali ai. E uiga ese le taunuuga! E uiga ese le auala e ta’u atu ai i le lalolagi e faapea o Samoa i le avea ma fale o le malosi o le lakapi Ta’ito’afitu-e le’i oti ai ma tanu i le taimi nei!

Uso e, ua matua umi le taimi  le va o mea inu. E le’i gata i le 2014 ona fiafia le atunuu i mea na maua e le tasi o ana ‘au lakapi e sili ona fiafia i ai tagata. O Ananafi o se taimi faapitoa lea. O se toe togi lea i tua i aso ta’uta’ua o le Manu Samoa Ta’ito’afitu ia e matua faafesaga’i lelei ai o tatou tagata ma latou Televise i soo se itulaga e ofo atu a latou talosaga  ma le lagolago.  

O le to’atele o i tatou e le’i momoe i le po o le Aso Sa. O nisi na misi galuega, o isi na tuai, matua tuai lava, ma o nisi o i tatou sa tauivi i le aso atoa. Ae peitai-e lei se mea o faaletonu. O loo lelei mea uma lava. O le faamanuiaina o le Manu Samoa Ta’ito’afitu o se taimi lea e tatau ona faatauaina. 

I le fuafuaga lautele o mea, e le mafai ona fai ai ni suiga tele e tusa ai ma le faatulagaina o le faagasologa o Taaloga Taitoffitu a le HSBC  ma mea faapena. Ia manatua foi, e tatau lava ona tatou manumalo i le tauvaga mulimuli e agavaa ai mo le taaloga o le Olimepeka i Monaco ina ia maua ai la tatou pepa i le Rio Olympics. Ia-aisea lava ua faapitoa ai lenei manumalo? E matua faigofie lava. Ua tatou iloa i taimi uma e faapea o a tatou tama taalo e tutusa lava lo latou lelei ma isi. Ae o ananafi, na latou maua ai i latou; na latou maua ai e faapea poo a lava mea faigata, ae a latou talitonu ma ia ‘au nei fiu, e leai se mea e le mafai ona faia. O le vaega suamalie lena o lenei manumalo; ma o le pogai lea ua tatou mitamita ai uma i lenei ‘au .

O se upu lenei tau lapataiga. E le o le iuga lea o le lalolagi. O loo i ai le tatou tauvaga i Lonetone i le faaiuga o lenei vaiaso ona soso’o ai lea ma taaloga e agavaa ai mo le Olimepeka. Poo le a lava-faagasolo i luma ma faamanatu ae ia tatou tatalo ina ia ‘aua nei aveesea le vaaiga taula’i a tama taalo ma soona alu mamao i luma atu o i latou. O loo tele pea galuega e ao ona fai. O le taui mulimuli e tatau ona faapea o se pepa lea i le Rio ma atonu o le manumalo muamua lava lea o Samoa i se pine o le Olimepeka i taimi mulimuli o lenei tausaga.

I le taimi nei, matou te fia momoli atu le faamalo i le vaega o faia’oga  o McGrath ma Muliagatele, kapeteni o Falemiga Selesele ma le Au-Ta’ito’afitu atoa a le Manu Samoa.. Malo le finau, malo le lotonu’u.

© Samoa Observer 2016

Developed by Samoa Observer in Apia