TA’UTINOGA A SAGATO AOKUSITINO-OLA FAATA’ITA’I IA Keriso

By Fuimaono Na’oia Faasavalu Touli F. Tupua 17 April 2016, 12:00AM

 IA E TALI ATU I MEA FAATIGA UMA MO LE OLA E FAAVAVAU

“Lo’u atalii e-ia ‘aua ne’i avea mea faatiga o loo feagai ma oe- ona o A’u-e te faavaivai ai-ia ‘aua foi ne’i avea mea faatiga e tuuina atu ai oe i lalo i se isi mafaufauga-ae ia e taofi i a’u folafolaga e faamalosia ma faamafanafanaina ai oe i mea uma lava e tula’i mai.

E lava ma toe mea o ia te A’u e taui atu ai ia te oe i lugā- i lo soo se mea. Ia e fai ma le faamaoni le mea o loo e faia-ia e galue malosi i la’u Tovine-ona avea lea o A’u ma ou taui. Ia e tusi-faitau ma tagi-ae ia e fifilemu ma tatalo-ia e tali atu i mea faatiga i le tagata-aua o le ola e faavavau- o le taui lea mo ia mea faatiga uma.

Ia ‘aua lava nei e faapea ane i lou loto-O ai na te lavea’ina a’u mai lenei tino oti-ia ‘aua foi nei e tagi atu-aua ua umi ona ‘ou taase-talu ai-o le oti na te faatama’ia mea uma-ae o loo i ai lava le faaolataga ua mautinoa- e le toe i ai se popole, ae na o le fiafia ma le olioli i le nuu tumau!.

By Fuimaono Na’oia Faasavalu Touli F. Tupua 17 April 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>