Ia e muamua.

242 Hits

Mafaufau tasi lava…E le’i toe mafai e se tinā ona toe talanoa i se tasi o ana tama tama i le tolu tausaga ona o se fe’eseeseaiga na tula’i mai. O le tolu tausaga na ia mafaufau e tatau lava i lana tama ona fa’atoese atu i a te ia.

O le taimi o lo’o ua ma’i ma o lona mafaufau e le latalata lava i se faaleleiga mo ia ma lona atali’i.

Aepeitai, na ia taumafai pea ma o ia na muamua ona fa’atoese ma aioi i lana tama e fa’amagalo i a te ia.

E te iloa oe e i ai le mea malie pe afai  tatou te nonofo pea ma le ita i o tatou loto ma tatou le fiafia i isi o tatou uso a tagata. E pau le mea e tatou  te maua ai le filemu ina ua o tatou fa’amagalo atu i isi tagata. Ia e poto ma ia e taumafai o oe le tagata e ao ona e fa’atoese muamua ma e na o le pau lava le mea e fa’atupuina ai le filemu.

O le toatele o e o lo’o feola pea o lo’o o tatou nonofo pea ma le leai o se loto e fa’amagalo ai le isi tagata, ona e fai mai lo tatou iloa o tatou ua sa’o e tatau i le isi tagata ona fa’atoese muamua. Aepeitai o lo’o i se lalolagi e faigata tele i tagata ona fa’atoese ma fa’amagalo nisi. O le taimi lava e fa’amaualalo ai o tatou loto o le taimi fo’I lea e o’o mai ai le malamalama I o tatou tagata.

O lea le finagalo o le Atua na ia auina mai ai lona Alo o Iesu Keriso, o tatou olo’o una’ia ese pea lea alofa silisili mo’i tatou ae o lo’o alofa mai pea o ia ma fa’amagalo o tatou leaga ma agasala uma.

E ao ai lava ina o tatou ole I a Iesu ina ia fa’amagalo i tatou mai a tatou agasala uma. Mafaufau tasi lava…

© Samoa Observer 2016

Developed by Samoa Observer in Apia