Selesele: Le Samoa e tau le lagona le leo ae uiga ese lana pu’e
World Rugby - O foliga vaaia e ono mafai ona tau faasese. Fai la Falemiga Selesele o Samoa ma faata’ita’iga.
O ia o se tagata e malosi lana pu’e, o se tagata malosi ma o le fetu lea o le ta’ito’afitu a Samoa o lona mamafa e sili atu i le 100 kilokalama ma o se tagata e pei o se mauga e malosi.
Ae ui o lea, o ona uiga faale-tagata e le mafai ona sili atu i lo le tu faafeagai ai ma se tagata o le aisa, o se faata’ita’i uiga ese lea o se tagata taaalo lelei i luga o le malae ma o se tagata loto maulalo i tua ane o le malae, o se vaega lea o se tulaga masani o le Taamilosaga Ta’ito’afitu HSBC a le lalolagi.
Na feiloa’i le Lakapi a le Lalolagi ma Selesele ina ua mae’a lana taaloga i Hong Kong lea na palotaina ai o ia i totonu o se Au Faapitoa maoa’e ina ua mae’a ni ana taaloga lelei faaauau pea mo le tolu aso lea sa faapea o le a sao atu ai Samoa i le taaloga o le Bowl Semi-Final o lea tauvaga, o se toe laa lea i tua talu ona manumalo i le Plate i Vancouver, ae peitai-sa fiafia lava Selesele i le tulaga o lana taaloga.
"Sa faafiafiaina lava a’u i la’u taalo i Hong Kong. Ua matou matua faanoanoa lava ona ua matou le ‘ausia le isi laasaga ae matou te faamoemoe e toe faatulaga lelei la matou ‘au a’o le’i o’o i Singapore i le faaiuga o lenei vaiaso ma faaauau pea ona faaleleia atili.”
O le maua o fesootaiga ma le sa’o o le fuafuaga talu ai o lenei taamilosaga ua faaopoopoina ai le taua mo Samoa. O le aso 18-19 o Iuni, o le a faatino ai e tagata o le Pasefika se taumafaiga i totonu o Manoco mo le toe fesuiaiga o le Olimepeka i se taumafaiga ina ia maua le tulaga mulimuli o le lakapi ta’ito’afitu mulimuli i Rio 2016.
O Rusia ma Kanata o isi ia itu e lua o loo i lea taamilosaga ma o loo i ai pea le avanoa e ‘ausia ai Rio ma o loo naunau Selesele e faaaoga le isi tolu taamilosaga e faaleleia atili ai le latou taumafaiga.
O le tulaga agavaa mo le Olimepeka o loo tumau pea i o matou mafaufau. O le a matou o atu i totonu o ia tauvaga uma o le faagasologa ma mafaufau pe faapefea ona matua faaleleia a matou tapenaga ina ia agavaa mo le Olimepeka, ma o lea e matua taua tele ai nisi o nei taamilosaga mo i matou,” o lana faaaliga lea.
I Hong Kong sa faaalia foi e le faia’oga ulu o Samoa o Damian McGrath le taua tele o le suiga a le Olimepeka mo lana ‘au. “O lenei tausaga mo Samoa e faasino uma lava i le Olimepeka ma ou te fiafia e faia’ina i vaega uma o le taamilosaga ina ia maua ai se tulaga agavaa mo le Olimepeka,” o lana faaaliga lea.
“E matua tele lona taua i le atunuu. Ou te talitonu o lenei vaega o tama taalo e mafai ona tulai mai e tali atu i soo se mea e ofoina mai e lea suiga.” Ae uo o lea-o le galuega faanatinati e tatau ona fai o Singapore.
O Samoa o loo i le Pulu A ma Egelani, Fiti ma Potukale ma o loo faamoemoe e toe faatino le faiga a le ‘au o le 2006 lea na manumalo i le Plate, i le taimi na fai ai le Ta’ito’afitu mulimuli i Singapore.
Taaloga ua faatulaga mo le asō ma taeao
Samoa ma Fiji 5.12pm
Samoa ma England at 8.55pm
Samoa ma Potulale 12.04am