Foa’i e le malo o Iapani ni mea’alofa mo le Ofisa o Tineimu

Tusia Deidre Tautua – Fanene ,

44 Hits

FA’AFETAI LAVA IAPANI: Ta’avale Fuimu se lua ma se ta’avale e ave ai gasegase ua foa’i e le malo o Iapani mo le Vaega ale Fuimu.

FA’AFETAI LAVA IAPANI: Ta’avale Fuimu se lua ma se ta’avale e ave ai gasegase ua foa’i e le malo o Iapani mo le Vaega ale Fuimu.

Ua foa’ina nei e le malo o Iapani ni ta’avale fuimu se lua ma se ta’avale e ave ai gasegase i le Pulega o Fuimu i le Aso Tofi o le vaiaso nei.

O lenei poloketi sa mafai ona auala mai e ala i fesoasoani a Iapani mo Polokalame Tau Tamaoaiga ma Agafeso’ota’i lea sa sainia i le va o Tuilaepa ma le Amapasa muamua o Iapani le afioga i a Tuimaugaoalii Kazumasa Shibuta.

O lenei sainigalima lea sa malilie folafolaina ai le $2miliona tupe Iapani pe tusa lea ma le T$47,167.

I le saunoaga a Maugaoleatuolo sa ia ta’ua ai o lenei tinoitupe sa vaelua tutusa lea i ni poloketi se lua e aofia ai le fa’atupeina o ni mea faigaluega i le vaega o le soifua maloloina fa’apea ai ma le fa’atupeina o nei ta’avale fuimu mo le vaega a le fuimu.

 “O nei ta’avale fuimu e lua e aofia ai se tasi o ta’avale fuimu o lo’o i ai se apefa’i e 30mita lona umi ma o se t’avale muamua lea ua mafai ona i ai i totonu o le pulega, ma lesi ta’avale fuimu e i ai le tanevai ma le pamu,” o le saunoaga lea a Maugaoleatuolo.

 “O le ta’avale fuimu lea e i ai le apefa’i o le a mafai ona fesoasoani tele i ni mu e tula’i mai i ni fale maualuluga e pei ona i ai le mu lea sa tula’i mai i se tasi o tane o lo’o i le uafu i Matautu.

 “Ae le gata i lea o le a i ai fo’i nisi o inisinia mai Iapani o le a fesoasoani i le aufaigaluega ale fuimu e faia a’oa’oga e tusa ai ma le fa’aaogaina o nei ta’avale.

 “O le taimi lona lua lenei ua mafai ai ona fesoasoani mai le malo o Iapani i le matagaluega a le fuimu e ala lea i le foa’ina mai o ni ta’avale fuimu.”

Sa fa’afetaia e le alii palemia le malo o Iapani ona o lenei fesoasoani matagofie.

“Fa’afetai lava i lau afioga Maugaoleatuolo i lou lagolagosua mai i atina’e aemaise o lo’u tali mai i manaoga o le ofisa o fuimu e ala i nei ta’avale.

 “E talitonu e le mafai e le ofisa o fuimu se mea pe ana leai lau fesoasoani mai.

“O nei ta’avale o le a fesoasoani tele i galuega fai a le ofisa aemaise lava i taimi o fa’alavelave fa’afuase’i.”

© Samoa Observer 2016

Developed by Samoa Observer in Apia