Tala faasolopito o Samoa mai le amataga

17 February 2016, 12:00AM

Tapena ma Tuufaatasi e Fuimaono Na’oia Fasavalu Touli F. Tupua mo le Samoa Observer. 

 

Lieutenant WERNER ALBERT VON BULOW - O le faifaatoaga ma o se tagata e fiafia i le natura o le vaomatua, o Matapo’o i Savaii; na fanau ia Tesema 1848 i Sturgard i Pomerania ma o le atalii matua o le Alii Faufautua o Albert Von Būlow. 

Sa a’oa’oina i le Gymnasium i Blomberg ma pasi ai ana suega mo le vaegā-‘au lea na ulufale i ai e avea ma private. I le ono masina mulimuli ane ia Ianuari 1869 na pasi ai lana suega e avea ma ensign. 

Sa auai i le taua o le 1870 ma le 1871, ma sa i ai fo’i i le taua i Gravelotte, le pulea faamalosi i Metz ma Pale, e ala i le taua  i Champigny ma isi lava taua sa faagasolo i Dijion. 

Sa i ai pea o ia i Vaega’au a Siamani sa pulea Farane mo le tolu tausaga ina ua mae’a le taua, ma o le taimi lea sa galue ai o ia i le ‘olo i Belfort, ma o ia le tagata mulimuli na tu’a lea nofoaga ina ua toe tuuina atu ia Farane. Na ia tuua le vaega’au ia Mati 1874. 

Na ia maua se  koluse u’amea i le faagasologa o le taua ma se pine mo le taua i Pale ma le pine a Emperor William. Sa muamua ona fai suesuega a Lutena Von Bulow i mea tau eleele ma le pulega o le esetete a lona tamā ma isi lava esetete i totonu o Pomerania. Ina ua amata ona mafaufau Siamani i le fai o le Pasefika i Saute ma kolone, sa malaga mai loa i Samoa ma taunuu mai i le 1881. 

Sa na tauaveina foi le tele o isi lava galuega, ae o ona taimi avanoa uma sa tuuina atu i mataupu faa-saienesi ma le poto faa-tusitala. E sili atu i le luasefulu-lima tusi na ia tusia, pepa ma tusitusiga e uiga ia Samoa ma ona alamanuia. 

E itiiti ni mataupu e mafai ona matou tuuina atu e tusa ai ma ana tusitusiga e pei o le ‘Die Eule als des Malietoa-faiga, Der Tonga-Krieg, Der Samoanische Heildenglaube, Die Seidenzucht in Samoa, Weihnachten auf der Insel Savaii; Die Samoa-Inseln und ihre einheimischen Nutzpflanzen, Das Christentum in Samoa, Samoa unter deutscher Herrschaft, Der Vulkanishce Ausbruch auf der Insel Savaii 1902, Volkerstammbaum de Malay-opolynesier. 

I le 1808 ma le 1899, sa tumau pea ona fesoota’i o ia ma feeseesegaiga a tagata o le atunuu ma sa auai i le taua sa fai i luga o alatetele o Apia ia Iuni aso muamua 1899. 

Sa talosagaina o ia ina ia fai se faaiuga i le tagi a Mataafa i totonu o le Faamasinoga Maualuga e uiga i le mataupu tau le Tupu o Samoa, ma sa na faatinoina lea mataupu. 

O le 1883 na ia faatauina ai lona fanua i Matapoo, lea e manaia lona ta’otoga ma sa faato’a i le pulu tosi. Sa i ai ni fale tetele sa tu’u ai manulele i totonu o lea esetete faapea foi ma isi fale faapena e sili atu ona lapopo’a ma sili ona lelei i Samoa. 

O le faamoemoe e tasi o Lutena Von Bulow na fai ia fale tetele e tausi ai manulele ia fai ni lupe e feavea’ia fe’au i le va o Apia ma Savaii ma o lea na fai ai ni fale tetele se ono mo lupe e ono selau. 

O lea fuafuaga ua aloa’ia ai o ia e avea ma se tasi e sili ona malamalama i aganuu ma le tala faasolopito o Samoa.

17 February 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>