Manatu o le Fa’atonu - O se faiga aoga e fai ai se sao i le atiina a’e o lenei atunuu

17 February 2016, 12:00AM

Tusia - Mata’afa Keni Lesa

 

Ua faitau Tausaga, masina, vaiaso ma i le taimi nei –ua toe lava o ni nai aso.

O le sa’o atoaatoa lena uso e, o lo tatou latalata lena i le Faiga-Palota Lautele.

O le upu moni, ua toe 17 aso o loo totoe ona faasaga atu loa lea o tagata o lenei atunuu e faatino a latou aia tatau e filifili ai so latou malo mo le isi lima tausaga. 

O se taimi uiga ese lea ma e matua leai lava se masalo i lea tulaga.

Silasila i le itulau i luma o le nusipepa o loo e faitauina i le asō mo se faata’ita’iga. O le Asō o le taimi lea o le Tautua Samoa Party e faailoa mai ai ia i matou pe o a latou fuafuaga-pe a faapea latou te manumalo. O loo ia i latou ni mafaufauga uiga ese ma le faatupu manatu. O ni nai aso e afua atu i le taimi nei, o le a maua ai e le Pati e Puipuia Aia Tatau a Tagata (H.R.P.P.) lo latou avanoa e tali atu ai. Ma o le a faaauau ai pea le five o le faiga-palota.

O le upu lea a le ‘au-matutua. Ia-e moni lo latou taofi i se tasi itu. Ae peitai- e le tatau ona tatou manatu faatauvaa i taimi faapenei. Poo le a lava-o se suiga lelei lea mo le malo-ma le malo o le a filifilia-e faa-avanoa ai se taimi ina ia aafia ai i tatou i totonu o a latou fuafuaga.

O le mea moni e faapea o le taimi lava e mae’a ai le faiga-palota, o le taimi foi lea o le a matua taofia ai sui o tagata lautele mai le taualumaga o fuafuaga. 

Ae o le mea sili lava i lenei taimi, ona ua tuuina mai ia i tatou se mafaufauga e uiga i mea e mafai ona tulai mai ae o le itu e sili ona taua-ua ia i tatou le avanoa tatou te fai atu ati ioe poo le leai i fuafuaga ia ua tuuina mai e ala i le tatou palota. O le mea moni, e pei ona faamoemoeina, o sui faatutu uma lava o loo tuuina mai i luma o latou vae e sili ona lelei ma folafolamai le lagi ma le lalolagi mo a latou tagata palota. O se mea lelei foi lea. O le a se isi mea tatou te manaomia? E le tau faailoaina atu e faapea o se vaega lenei ma se afifi o le taaloga.

Ia manatua foi o Polokiki e faasino i le folafolaina atu o le lalolagi ina ia mau tulaga ai ou vae i totonu o le faitoto’a.

E faasino i le paoa e manumalo ai ma le faatinoina o soo se mea e mafai ona fai e taofi ai. Silasila foi i nisi o gaoioiga ua i totonu o lo tatou lalolagi tau polokiki talu ai nei A tatou mafaufau la i ai, o se vaega tele o folafolaga o loo fai e sui faatutu ma sui usufono o le Palemene i le taimi nei-o lo latou noatia lea ina ia fai le mea sa’o i luma o fofoga o tagata ma le Atua.

Talofa e i le Atua ma le faiga o loo ta’ua ai fua lona suafa i le tele o taimi. O le mea moni o le manatu e faapea o loo talanoa sui faatutu ma Sui Usufono o le Palemene o loo i ai e uiga i le amiotonu ma le fai o le mea sa’o –e le o se mea leaga. E faapitoa lenei itu pe a pa’ia faia mata’utia tau faiga sese-ia e tatau ona silasila i ai, fo’ia ma ia matua faamamā. 

O lea matou te talanoa atu e uiga i mea ua leva ona faataiō mai ia i tatou ina ia faasa’o ma fai se faiga i ai-ae o loo taatia pea e leai se faaiuga o faia i ai. Atonu o lau mate i le taimi nei o lea matou te talanoa atu e uiga i le mana’o ina ia matua tafi ese mai lenei atunuu faiga pi’opi’o ia matou te talitonu o loo taofia pea i tatou i tua. O auiliiliga ua lauiloa uma ma matou te talitonu e le tatau ona toe asia i totonu o lenei tusitusiga.

I le taimi nei la, e mafai ona fai mai nisi o outou o nei tuuaiga ua leva ma e tatau ona faataatia i totonu o le taimi ua mavae. Ia manatua foi, e le o se mea faa-Kerisiano ‘ea e tatau ona fai –o le faamagalo lea ma le faagalo? O le mea moni e tatau ona tatou faamagalo atu ae o le faamagalo atu e le faapea e leai ni ona taunuuga. Tamaitai e ma alii, o lea matou te talanoa ai e uiga i tagata o le malo ia ua ona latou latou tauto mai o le a latou faia le mea sa’o  mai le ATua ma o tatou tagata. O le latou tautoga lena. 

Afai e te faatali teisi se’i iloilo nisi o mea o loo matou talanoa atu ai, ua latou faia ‘ea le mea sa’o? Ua faatino ‘ea le amiotonu ma le faamasinoga? O i ai ‘ea se amiotonu i totonu o lenei atunuu? Sa matou faailoa atu muamua lenei mea ma o le a matou toe faailoa atu foi. I le nofoaga o Faamasinoga i Mulinuu, o loo i ai ni tinā, tamā, i latou e pele ia i tatou ua tuuina atu i le falepuipui ona o le gaoi o se tupe itiiti e pei o le $50.

A faapefea nei miliona ma miliona? O ai ‘ea e tatau ona noatia ina ia mautali atu mo i latou? Matou te talia le itu e faapea o ni fesili faigata nei. Ae peitai- o ni fesili ia e tatau ona mafaufau i ai a’o tatou tapenapena mo le aga’i atu i fale palota.

E lelei ona matou faamnatu atu i la matou ‘au-faitau o lenei aso e faapea o lenei faiga faama’ima’ia tau faiga pi’opi’o e matua noatia lava talu ai le mativa ma faafitauli i totonu o lenei atunuu. E le afaina poo a upu felanulanua’i o loo latou taumafai e faamatala mai ai taumafaiga e faamuta ai le mativa, e matua le mafai lava ona aveeseina se’ia vagana ai ua fai muamua se faiga i faiga pi’opi’o. Aisea? O faiga pi’opi’o latou te gaoia sui o tagata lautele , e faa-mativa ai i latou, e mafua ai ona latou fia’a’ai. O le mea moni, o le tineia o faiga pi’opi’o e tatau ona avea ma faamuamua mo soo se tagata o ia lea o loo mafaufau e fia tauva i le palota.

Matou te toe fai atu foi, matou te talitonu e faapea o le sao e aupito i sili ona lelei e mafai ona latou faia i o latou itumalo ma lenei atunuu. O lo matou lena manatu. 

Ae faapefea oe? Ia outou maua se Aso Lulu o mea aoga Samoa, ma ia faamanuia atu le Atua! 

 

17 February 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>