Foa’i e Frankie le $10,000

496 Hits

Teutupe a le Iuni; Peter Lokeni, Henry Valentine o Frankie ma le Peresitene o le Iuni, Fuimaono Titimaea Tafua.

Teutupe a le Iuni; Peter Lokeni, Henry Valentine o Frankie ma le Peresitene o le Iuni, Fuimaono Titimaea Tafua.

Tusia - Iliā L Likou

 

O le talitonuga o le Kamupani malosi a Frankie e tatau lava ona atina’e taleni a alo ma tama  fanau o le atunu’u.

O le aso Faraile na mavae atu nei sa taulimaina ai e le Iuni Lakapi a Apia se tinoitupe e $10,000 mai i le kamupani lenei.

E mo le silafia o le lagolagosua autu lea o lenei ta’amilosaga lea ua toe o ni nai vaiaso ona amatalia loa lea.

Saunoa le Pule o le Vaega o Maketi ma Fefa’atauaiga, Henry Valenitino i le taua tele o lea fa’amoemoe e pei ona ua tu’uina atu ai lenei tinoitupe mo le ta’amilosaga a le Lakapi Iuni a Apia.

 “O se auala lea e toe fa’afetai atu ai i le atunu’u ae silisili ai le atina’eina o i latou uma o lo’o i ai taleni eseese, ma o se avanoa lelei fo’i lea mo i matou.

O le susuga i a Peter Lokeni na ia saunoa e fa’afetai aloaia lea fesoasoani mai le kamupani a Frankie.

 “E fa’afetai atu tele i le kamupani malosi ona o le lagolagoina ai lea o la matou Iuni Lakapi, fa’afetai tele lava!

© Samoa Observer 2016

Developed by Samoa Observer in Apia