O LE MAU A PULE-THE MAU

191 Hits

MOVEMENT- Tapena ma Tuufaatasi e Fuimaono Na’oia Faasavalu Touli F. Tupua mo le Samoa Observer 

 

Sa mafai ona ‘ou faalogoina le fetagisi o tamaiti a’o faaleaga e Leoleo ‘ietoga sa i totonu o fale o aiga i Vaimoso. Sa faailoa mai ia te a’u e faapea sa tuli tausi’o solo fafine i totonu o latou fale ma tutuli ese. 

Sa faigata ia i matou ona matou iloa soifua o tagata Samoa na maumau talu ai tulafono na fai e ni nai tagata, ae le o le vaega toatele o tagata. Fai mai Titogi le isi tamaitai Vaimoso –na sasae i lalo e Leoleo lona ta’inamu a’o moe o ia. Sa faanatinati mai ni papalagi ia te a’u ma tatoso i lalo fala sa matou momoe ai ma la’u fanau. Sa fetagisi la’u fanau ma taofi mau a’u. Sa fetogia’i solo o matou aluga-o matou ‘ie’afu sa faapea foi ona tau’ai solo. Sa tofu le fitafita ma le fana ua uma ona sulu i ai pelu-sa ‘ou matua lagona le fefe. 

Ua uma ona tafana muamua matai o lo matou nuu. Sa ‘ou manatu o le mea foi lea o le a o’o i la’u fanau. Na vaaia e le isi tamaitai o Anaue le taunuu mai o Leoleo e ala i le malamalama o le molī sa faapipi’i i le nuu faata’ita’i o Lisatisone. 

Ina ua latou taunuu mai i fale-sa latou tatoso ese o matou fala moe. O le taunuuga o lea faiga na pa’ū ai se pepe i luga o ma’a. O lona uiga- na togi atu lea pepe i luga o ma’a lea sa fola ai lo matou fale. 

E o’o lava i fala sa matou nonofo ai sa tatoso ese uma lava a’o matou nonofo ai. Sa tagi le pepe….o le fale foi lea sa moe ai Pu’e. Sa valaau atu le tina o le pepe-“o lea ua o mai Papalagi ma o le pogai lena na feala ai tamaiti ae moe pea se tasi o la’u fanau-ma o lea na ‘ou tago atu ai ma fusi mai ma alaga leo tele atu”Le Alii e fesoasoani mai ia i matou…..”Sa taunuu mai se alii ma o lo’u manatu o ia lea o le ta’ita’i, na ia sasa’a le ato sa i ai lavalava o le pepe –ma ona kiki atu le ‘ato i le pepe ma lona tina ia sa nonofo mai. Ana le sapoina e le tina lea ato-semanu e lavea ai le pepe. 

O Tagutu Gutu-o se alii lea ua fai lona aiga ma sa le mafai ona sola i le togavao ona o le ma’isua sa i lona lima-na alu atu e fesoasoani i se tasi o Leoleo e tatala le ato a le aiga-ae na tu’i o ia ma faamata’u i le pelu sa pipi’i i le fana. Sa matua fefefe tamaiti ma na tagi se tasi o i latou ona o le fefe, sa valaau atu lea teineitiiti-“Ua ‘ou fefe i tamāloloa papa’e. 

Sa tago atu le teineitiiti matua ma fusi mai si ona tei teine laititi. 

O le osofaiga lea na fai i Vaimoso faatasi ai ma le faaleagaina o meaafale, le faalegaina o ‘ie toga ma le faamata’uina o fafine ma tamaiti-o se faiga masani lea mo le tele o masina a’o taumafai Niu Sila e tau faamautu lana pulega leaga. 

O le aso 6 o Ianuari sa faalauiloa ai e Aleni ni faaaliga faalaua’etele se lua i le salafa o Apia ma luga o ala autu. 

O le tasi o faalauiloa na faaalia ai e faapea o tagata Samoa uma lava e le masani ona nonofo mau i totonu o itumalo o Faleata ma le Vaimauga (Apia, Lepea ma Vaimoso)  - e tatau ona o ese i le aso 11 o Ianuari. O le faalauiloa lona lua-sa faalauiloa ai alii o loo manaomia –ia na poloaiina ina ia si’ilima ane i le Pulega. Sa aofia ai ma le to’afa lea na faia le tusi ia Afamasaga, Faumuina mo le gagana lē mafaufau ma Mata’utia Karauna mo le fasi tagata. Sa noa i le Mau ia faaaliga faalaua’itele ma sa tumau pea ona faateleina o latou sui auai i le vaomatua, ma toe taliu mai i nu’u pe a pogisa mo ni mea’ai. 

O le Komiti Tutotonu a le Mau, faatasi ai ma lana laau lomitusi, sa faaaluina le tele o latou taimi i Papaseea, o se vaega-eleele lea e sa’o’o lona vaomatua e le mamao ese mai le fale o Nelesoni. Mai lo latou nofoaga sa lalafi ai- sa latou auina atu se tusi ia Nelesoni-lea e pei lava o le vaega tele o le meli e masani ai-sa faalavelaveina e le Pulega. 

Fai mai ua malepe le fatu o le Mau ina ua latou vaaia i le Pulega maufaufauga o se pulega faapaupau. E ui lava ina tele faasalaga a le Malo e faasaga i lo tatou atunuu ae o lea aso 28 o Tesema na lauiloa ai i latou –ae na toeitiiti lava uma lo latou onosa’i ina ua faaaoga fana taavili ma fana e tafana ai la matou solo a’o matou savavalia atu ma le filemu, “Taisi-aua e te popole tele ia i matou poo Samoa-ua uma ona inu Samoa i le toto maligi o Tamasese ma tamalii ma failauga ma ana tama pele –tali ai ona o loo tatou tilotilo i luma i le maua e Samoa o le manuia ma lona sa’olotoga i se faiga to’afilemu e aunoa ma nisi puapuga i lo puapuga sa tatou ui mai ai i le taimi nei. 

E le taumate o le talitonuga o tagata Samoa o le a vave ona tafa mai ata o se aso fou o le a susulu mai ai le La o le amiotonu mo Samoa!.(Shan-Pls photos of Tamasese, Nelesoni, Taisi, Mata’utia Karauna. Tagutu Gutu 

© Samoa Observer 2016

Developed by Samoa Observer in Apia