Taumafai pea e atia’e aiga

By Sarafina Sanerivi 17 January 2017, 12:00AM

O le aso ananafi na maua ai le fa’atalatalamnoaga ma le Fofoga o Samoa ma le tama’it’i i a Ruta  Falemoe o Nu’u Fou.

“Ia o si o matou aiga o lea fa’atoā tau amata e le’i leva ona o ese mai nisi o aiga  sa fa’apea ona nonofo ai fo’i i le isi itu o le atunu’u.

“O vaega masani lava o lo’o i ai le taimi lenei, o le nofo le fale e va’ai tamaiti ia e pei ona outou silasila mai ai fo’i i lenei taimi.

“Ua le toe  faigofie nei aso, ia e faigaluega uma nai o’u matua ma nisi o tuagane, ia a aumai lava totogi e tele lava vaega e alu i ai le fa’asoa.

“E pei o la’u ia iloa i ai, aua e fai o mea’ai o le aso, o fa’alavelave ia ma aemaise ai lea ua totogi ai fua fanua ma le vi.

“E pei o le tulaga faigata lea, ia e aumai lava tupe ua i ai lava vaega e alu i ai.

“O le isi tulaga tele fo’i la lea o le a toe alu atu ai i le taimi lenei, ia o le toe fo’i atu ai o tamaiti i le aoga.

“O si o matou aiga e to’atolu le fanau aoga, ia ma e le taitai ona tu’ua e o’u matua vaega nei aemaise lava i nai o’u tei le toe alu ai le aoga.

“O lea fo’i ou te malamalama ia o le isi lea vaega seleni  fa’aalu i aso uma.

Na ia fa’ailoa i le Fofoga o Samoa i le amata ai lea ona  taumafai e su’e sana galuega.

“Ou te taumafai lava e su’e sa’u galuega i le taimi lenei, ona e fesoasoani ai tele i si o matou aiga.

“E pei ona ta’ua ia o lea fo’i e tau mai nei, ia e le talanoa lava se isi mea le soifuaga o lo’o i ai, e pei o tupe lava mea uma.

“E le mafai fo’i ona so’ona totō ni fuala’au aina ma nisi o vaega i le  fanua lenei aua e mo’i lava ia ae laiti fanua.

“I a te a’u ia o le faigaluega lava le tali o nofoaga nei tu taulaga aua o le a le to’atele o tagata faigaluega o si o matou aiga ia ae le taitai ona lava le fa’asoa.

“E lelei ai la le  o e faigaluega aua o le aga’i i le lumana’i ia atonu e tau sefesefe atu ai sina tupe mo nisi vaega e fa’aleleia tele ai si o matou aiga i lenei taimi.

O Ruta ua 23 lona matua ma e to’atasi lona alo.

“Ia ae o le taimi lenei ia o lo’o va’aia lava le filemu ai o si o matou nei pitonu’u ma sologa lelei mea uma.

“Masalo e le’i iloga lava ona malamalama lelei ni fa’afitauli i le taimi lenei ia ae masalo toeititi lava.

By Sarafina Sanerivi 17 January 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>