Suiga ma’ale’ale o le tau

By Ulimasao Fata 15 October 2017, 12:00AM

O suiga ma’ale’ale ua i ai nei le tau o se itu na fa’ailoa e Sio Gasio ua fai lea ma popolega.

I le maua ai o le fa’atalatalanoaga ma le Fofoga o Samoa na ia fa’ailoa ai le tele o le ‘ese’esega i la aso ma nei aso ua i ai.

O le itu na ia fa’ailoa o se itu e ao lava ona galulue fa’atasi ai malo uma o le lalolagi ina ia taofiofi suiga ma’ale’ale ua i ai nei le tala o le tau.

“Ia e pei o la aso na faigata lava ona i ai ni galulolo e pei o se tasi o fa’alavelave lea lea na ‘a’afia ai si o tatou atunu’u i tausaga ua alu atu.

“O le itu taua lava o le mafai lea ona tatou fo’ia aua e pei o suiga nei e mafua mai lava i lo tatou le fa’aeteete mo nei suiga uma.

“Ia se’i o tatou va’ava’ai nei la i le tulaga e pei ona i ai le mau mafui’e ua o tatou i ai nei aso, ae a afa ia  e leai lava ma se isi o tatou e le’i molimauina nei tulaga.

“Ua le sologa lelei lava ua o tatou fa’aleagaina le foafoaga matagofie na aumai e le Atua mo i tatou ma o lo’u iloa o se itu e ao lava ona o tatou nofo uta ai le taimi lenei manu o i ai le taimi.

Na ia fa’ailoa o le so’ona susunuina o lapisi fa’atagaina e pei o tagapepa o se itu e ao lava ona ave ai le fa’amamafa a le to’atele.

“E pei o lea le tulaga e pei ona ou fa’ailoa muamua a le mafai ona vave fai i ai se fuafuaga ia o lona uiga ua matua’i tigaina lava i tatou.

“E ao ona o tatou faia mea uma i le tatau ai ma o se itu taua tele lea i lo’u iloa i ai.

“Ia o tatou fa’asaga e fa’atino o so’o se itu e mafai ai ona fesoaoani e le gata mo tatou i le aso ae o nai fanau i le lumana’i. 

By Ulimasao Fata 15 October 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>