Taugata le soifuaga

Tusia Ilia L Likou ,

37 Hits

Enosa Finau

Enosa Finau

O le talitonuga o Enosa Finau ua le toe faigofie nei aso.

I le maua ai ma le fa’atalatalanoaga ma le Fofoga o Samoa ananafi na ia fa’ailoa ai le tulaga taumafai ai pea o le tele o aiga ona o le taugata ua i ai nei le soifuaga.

“E pei o lo’u ia iloa ai o le tele lava o nai aiga e pei o nonogatupe lava ua fai ai le tele o le mau fa’alavelave ua i ai nei.

“I a te a’u ia e le o se itu lelei ona o lea tulaga ua o tatou i ai, ia ona o le maualuga lava o le tau o le soifuaga.

Na ia fa’ailoa o lo’o to’atele o tagata aemaise o aiga i Samoa ua le gafatia le ola lelei i aso uma.

“E mana’omia sina mea lelei i aso ae le’o nao le ti laumoli le vaiaso, ia a  va’ava’ai atu fo’i i le tau o le moa ma le mamoe, ia ua sili ai lava le moe e fia’ai i le taugata o vaega nei i le atunu’u.

O le isi ona atugaluga o lo’o ua i ai le taimi lenei, o le leai oni galuega mo le to’atele o le atunu’u.

“E pei o lea lava le tu;aga ua i ai nei, ua faigata mea uma ua o’o lava i le tausailia o ni tupe.

“Ia o lena a o tatou va’ava’ai i ai, ua tele galuega ae o le fa’alavelave i le taimi lenei ua tupe mea uma.

“O lona uiga o la’u fa’amatalaga a leai se tupe ia e leiloa pe a fa’afefea na fai.

Na ia ta’ua e le’o taitai ona tutusa le maualuga o le  tau o le soifuaga ma totogi o lo’o maua e le to’atele.

“O le itu mautinoa lava lea, ma o se itu e ao ona toe silasila toto’a i ai le malo i le taimi lenei ona ua matua’i mana’omia e Samoa se fa’amamā avega.

“Ia e sa’o e o e galulue i le ‘ele’ele, e le fa’apea na o le alu atu lava togi le fatu kukama i luga ele’ele ola mai, leai e tatau lava i le malo ona fa’atupe vaega nei.

“O lo’u ia iloa i ai, ia si’itia e le malo avanoa faigaluega ma se’i titilo i totogi.

© Samoa Observer 2016

Developed by Samoa Observer in Apia