E mamalu pulega fa’amatai

Tusia Vatapuia Maiava ma Ilia L Likou ,

147 Hits

Valusoia Maea.

Valusoia Maea.

O le aumau ai o le tamā i a Valusoia Maea i le talafatai o le taulaga na ia ta’ua o se tulaga faigata o le ese’ese ai o finagalo o le to’atele. 

O Valusoia e mai le afioaga o Saleaula i Savai’i ae na aumau i Upolu nei ina ua nonofo ma le tinā o le aiga o  Toamua. 

 “Ia o lenei nofoaga ia e mai i ma o o le Samoa.” o lana saunoaga lea i le Fofoga o Samoa.  “Ia e omai lava tagata ma o latou iloa ma silafia i totonu i ituaiga afioaga nei, ma o lea le mafua’aga o le tele o fa’afitauli.

 “O le sau ai ma Savai’i, ia e tulaga lelei le fa’agasologa o mea uma i le nu’u na ou ola ane ai, ma e tele lava ina lelei tulaga uma ia ae pei o le to’atele o tagata ia ua sau lava le tagata ia ma lona malamalama.

O le isi tulaga na ia fa’ailoa o le laiti ai o fanua o lo’o galulue ai i le taimi lenei.

 “Ia e pei o lea le isi fa’afitauli o le lava o fanua, ia ae pei ona silafia ai ia o le fa’amautuina lava o aiga o lo’o taumafai ai i aso uma.

 “E ui ina lua tagata faigaluega ae o lo’u iloa i ai e le taitai ona lava le fa’asoa ai i mea fai o lea aso i lea aso, aemaise lava i tamaiti i le aoga.

 “Ia e taugata lava le soifuaga o lo’o i ai le taimi lenei ae le tu’ua ai lava le naunau ina ia fa’atino vaega uma lava mo le lelei o le aiga.

 “Ia o le manatu maualuga lava ia lelei vaega uma , ma ia taumafai ia lelei le gasologa o aiga i aso uma aua ua le toe faigofie nei aso.

“Ua tele ina taugata le tau o le soifuaga, e ui la i ia vaega ae ao lava ona o tatou finafinau mo le lelei o aiga.

“E pei o vaega taua lava nei e ao pea ona va’ava’ai lelei i ai aua a lelei lona fa’atinoina ia o le a fesoasoani tele i le to’atele i so’o se vaega.

“Aua nei fiu gofie ae to’a’aga e  galulue.

© Samoa Observer 2016

Developed by Samoa Observer in Apia