Lē feauauta’i le fa’asoa i le tele o taimi

Tusia Vatapuia Maiava ma Ilia L Likou ,

152 Hits

Le aiga o le tinā i a Fatima Fosio o Faleula-Uta. Ata/Misiona Simo

Le aiga o le tinā i a Fatima Fosio o Faleula-Uta. Ata/Misiona Simo

O le toe fo’i atu ai o le tinā i a Fatima Fosio, 36 tausaga o Faleula-Uta e toe faigaluega, o se itu na ia fa’ailoa o le mafua’aga lava ona ua va’ai alofa i le le lava o le fa’asoa o lo’o i ai i le taimi lenei i totonu o le aiga aemaise lava i le fanau.

Na ia ta’ua i le Fofoga o Samoa i le aso ananafi, o le toe tau atina’eina ai o lona aiga i le taimi lenei, o lo’o taufa’asoa lava ona o le tele o vaega e mana’omia ai le tupe ae o lona fa’alavelave e le a’ua’u le fa’asoa i le tele o taimi.

Ua avea lea tulaga ma se tasi o fa’afitauli ua le mafai ai lava ona maua se tupe e talosagaina ai se suāvai (paipa) maua a le aiga.

“Ia o lo’o ta’i mai le faga’au mai se tasi o matou aiga i tua i o e matou te fa’aaogaina aua o le taimi lenei na o maua ma le tamā o le aiga o lo’o faigaluega.

“E tau mai fo’i ia e le’o mafai ona ou alu e faigaluega ona ua le atoatoa fo’i le malosi.

 “Ae pei ona silafia ai o a’u sa ou le faigaluega i le taimi muamua ae sa nofo lava i le fale mo le tausia ai o aiga.

“ Ae ua toe faigaluega e fesoasoani ai i le tamā o le aiga aua le fesoasoani ai i le tele o mea fai ma tulaga e pei ona i ai fa’alavelave ma isi.

“Ia o tamaiti aoga e to’atolu, o le va’aiva’ai atu lava mo le lumana’i o le fanau o lea le mafua’aga o lo’o taumafai ai lava ia lava le tupe fa’asoa.

“O le tulaga fo’i e pei ona i ai o le a le tupe e avatu i le fanau e o ai i le galuega ia o lena lava, o lo’o ua latou iloa fo’i le tulaga o lo’o i ai lo matou aiga i lenei vaitaimi.

“E to’atolu o lo’o a’ooga ae o nisi o le fanau ua le uma aoga ona o le utiuti o le fa’asoa.

 “O le mea lea e i ai ia ua sau lava le totogi ia ua ta’atitia atu lava mea e alu aga’i i ai. 

“O le totogi o le to’alua ia e  $240 i le lua vaiaso ae a aumai e le taitai ona gafatia…ma e tau fa’asoasoa le tele o vaega.

“Ia a maua lava le alaisa o lena lava, ia o lo’o matou fa’aaogaina mai le paipa o se tasi o aiga …ia a tu’u mai fo’i se paipa ia e le lava se fa’asoa e faia ai lea tulaga.

© Samoa Observer 2016

Developed by Samoa Observer in Apia