O taaloga e fa’afealofaniina tagata ese’ese

By Aruna Lolani 16 July 2017, 12:00AM

O Fialii Tuilimu mai Lotofaga Safata.

E 22 le matua o lona soifua ma sa ia faaali lona manatu ile Fofoga o Samoa ile aso ananafi, e ala lea i taaloga o se auala e faafealofaniina ai le au tupulaga. 

Sa maua le faatalatalanoaga a le Fofoga o Samoa ma Fialii Tuilimu ao ia matamata i le taaloga a Lotofaga Safata ile aso ananafi.

O ia o le ulumatua o se fanau e toatolu.

“Ou te talitonuina a e au ia o taaloga e faafealofaniina le au tupulaga ile vaitaimi nei aemaise lava i totonu o Samoa,” o lana tala lea ile Fofoga o Samoa. 

O Samoa o se tasi lea o atunuu ua tele ona misa ona tamaiti aoga aemaise foi au talavou eseese. 

“E iai lava taimi e misa ai au tupulaga ia toe fiu e fai se mea foi lele ina ia fifilemu ai.

“Ma o le mafuaaga a na ou te talitonu ai au ia o taaloga o le ki lea e faaleleia ai nei misa faapea.

“O taaloga foi e aumaia faatasi tagata eseese mai lea itu ma lea itu.”

O totonu o Samoa i lenei vaitaimi, ua tele ona misa au tupulaga eseese i tele o aso, ma o se talitonuga o Fialii o taaloga lava le tali e faafealofaniina ai le fanau. 

 “E aoga foi e faamalosi au ai le fanau ia ma maua ai foi se fiafia aemaise foi o se nofoaga i taimi foi lele e tupu ai se mea i totonu o aiga. 

“O taaloga o se metotia foi lea e faigofie ona malamalama ai le fanau e toatele aua e faigofie. 

“E tatau lava i nu’u ona faamalosia taaloga aua o mea ia e fiafia ai tupulaga uma ma e lelei ai foi le latou mafutaga i totonu o nuu. 

 “O le tali sao lava lea mo le au tupulaga.”

By Aruna Lolani 16 July 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>