Ono avea le Uafu i Satitoa ma nofoaga-‘autu o se kamupani mai Saina

140 Hits

LE UAFU I SATITOA, ALEIPATA. ATA: Autagavaia Tipi Autagavaia.

LE UAFU I SATITOA, ALEIPATA. ATA: Autagavaia Tipi Autagavaia.

E iai se kamupani fai-faiva mai Saina o lo’o naunau e fa’atu se fale-i’a i Samoa nei ma o lo’o tilotilo nei i le Uafu i Satitoa i Aleipata, e avea ma nofoaga-‘autu mo ana va’a-fagota e fuafua mo faigafaiva i ogasami-loloto.

I se ripoti mai le Leitio Fa’ava-o-malo a Niu Sila, na ta’ua ai, o le a fono i le vaiaso nei, sui mai lea kamupani ma ofisa o le malo o Samoa, e talanoaina lea fuafuaga.

O le Matagaluega o Fa’ato’aga ma Faigafaiva ma isi fa’alapotopotoga a le malo, o lo’o taulamua i tapenaga mo lea fuafuaga fa’aPisinisi ma ta’ua ai, o se fuafuaga lelei e tele ai avanoa faigaluega mo tagata-nu’u o lea fa’aitū.  

O le tausaga e 2014 na fa’ailoa ai e le malo, o lo’o fa’auau pea talanoaga ma le kamupani a le Bumble Bee, mo le fa’atuina o se fale-i’a ma se fale-tu’u-‘apa i le uafu ‘autu i Apia peita’i e le’i taunu’u lava.

© Samoa Observer 2016

Developed by Samoa Observer in Apia