Faigata le soifuaga

By Ilia L. Likou 16 April 2018, 12:00AM

E le’o se olaga faigofie o lo’o ua feagai nei ma Charlie Ekueka.

O lea le fa’aaliga a le tamā  i le Fofoga o Samoa ina ua maua le avanoa e fa’atalatalanoa ai o ia.

E fitu ai le tausaga lenei le umi talu ona nonofo ai i se fale e le’o saogalemu mo ia ma le aiga.

Na ia fa’ailoa o se tulaga faigata ai tele le taumafai ai e fa’asoa mo le aiga ona o le taugata o le soifuaga o lo’o ua i ai nei.

E to’atoluona alo ma nao ia o lo’o ua galue le taimi lenei mo se tupe maua a le aiga.

Na ia ta’ua foi e 180 le tupe maua mai se tasi o galuega o lo’o ia galue ai mo le lua vaiaso.

 “Ia na’o a’u lava  o lo’o ua faigaluega i le taimi lenei mo si o matou aiga, ma e ta’utino atu lava e  le faigofie.

 “Ia e mo le silafia ai a o’o ina timu ia e taumafai e so’oso’o luga o le fale i kapoleni ina ia aua nei sao mai se timu i totonu o le fale.

‘O se itu faigata tele lea mo i matou lava ia.

“Ia e le’o lelei apa o lo’o taumafai e talitali atu ai le timu i le taimi lenei.

‘E o’o lava foi le fola o si o matou fale ia o se tulaga faigata o lo’o ua i ai nei, ma o se itu le lelei tele lea mo le  silafia ae o le fa’alavelave e leai se mea e mafai ona faia ona o le le lava o le fa’asoa.

 “Ia e alofa lava i fanau aemaise lava pe a o’o mai aso leaga, ua tatou iloa uma le faigata o le soifuaga o lo’o ua i ai nei ae taumafai lava.

 “Ia o le taimi lenei, e o’o lava i vaega o lo’o fai ai mea’ai ia e matuai le sefe lava mo matou ma le fanau.

‘E o’o lava i le fale le ta’ua ia e o’o mai lava le manogi i le vaega lenei o lo matou fale.

“Ia e faigata lava ona maua se suavai i lenei foi itu.

‘O se tulaga faigata tele lea o lo’o ua matou feagai ai nei mai lea aso i lea aso.

“Ou te iloa lava le faigata.

By Ilia L. Likou 16 April 2018, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>