Ua toe masofasofa foi le isi taavale a Leoleo

Tusia Pai Mulitalo Ale ma Faaliliu e Seagaitumua Tupuola ,

136 Hits

POL 09: Le taavale a Leoleo na aafia i se faalavelave tau taavale i le vaiaso talu ai. Ua aveese le numera o lea taavale.

POL 09: Le taavale a Leoleo na aafia i se faalavelave tau taavale i le vaiaso talu ai. Ua aveese le numera o lea taavale.

O le avetaavale o le taavale a Leoleo lea na aafia i se faalavelave tau taavale i le Aso Faraile talu ai ua molia i le avetaavale mata’utia ma sa aafia i le inu ‘ava malosi. 

Na faamaonia lea tulaga e le Alii Ofisa mo Tala Fou a le Matagaluega o Leoleo, o Maotaoalii Kaioneta Kitiona ananafi. Fai mai a ia o lea avetaavale e le o se alii ofisa ua faa-tautoina ma sa faaaoga faapitoa lea taavale e fai ai fe’au mo le Ofisa o Leoleo.

Ae peitai sa faaalia e se puna o faamatalaga i le Samoa Observer e faapea o lea avetaavale e le faigaluega mo le Matagaluega o Leoleo.

Fai mai lea puna o faamatalaga e faigaluega o ia i le ofisa o le Minisita o Leoleo. Ina ua fesiligia pe o le a le mea a lea taavale a Leoleo sa fai i lea itula o le po, fai mai Maotaoalii na te le iloa.

Ae ui o lea-na ia faamaonia e faapea o lea faalavelave na aafia ai le isi taavale.O lea avetaavale ua faatulaga o le a tula’i i luma o le Faamasinoga i le aso 3 o Me 2016. 

© Samoa Observer 2016

Developed by Samoa Observer in Apia