Faaalia e le sui mo Siamani ni atugaluga

By Faaliliu e Seagaitumua Tupuola 16 April 2016, 12:00AM

O se sui auai o le Talanoaga Tau Turisi a Samoa, o Carla Kindervater, mai Siamani sa ia te ia se fautuaga faale-uo mo i latou na faamaopoopoina lea sauniga.

Afai latou te mana’omia le matua faateleina o taunuuga o lea Felafolafoaiga, o le silasila tausili e tatau ona tuuina atu lona vaega tele i le faaalia o sui auai o Samoa-aemaise ai lava Savaii-ae le na o le tele o tala i totonu o se potu fono i Apia. 

O Ms Kindervater, o le Ofisa Malaga o le ‘HM i Siamani, na ia faailoa mai i le Samoa Observer le tulaga lē lava o asiasiga i nofoaga ma o se faafitauli lea mo ia lava. 

E ui lava ina faafiafiaina o ia ona o lea Felafolafoa’iga, ae a tuu i ona taunuuga-sa feagai Ms Kindervater ma ni faafitauli tau le sailia o noaga tonu na te fautuaina mo ana paaga.

E tusa ai ma lea tama’ita’i, o le pogai o lea itu e le ona o le timuga o le tau i le faagasologa o nai aso ua mavae atu poo le atunuu lava ia.

“O nisi o mea sa tatau lava ona faafoeina i se faiga e ese ai, ina ia mafai ai ona ‘ausia le sini autu o lea sauniga, o lona uiga, ia matua faatauina atu Samoa i se faiga lelei i paaga e manana’o i ai,” o lana faaaliga lea. 

“I le faagasolo o la matou suesuega ia Samoa e o’o mai i le taimi nei, sa matou faaaluina le tele o taimi e nofonofo a ii totonu o le pasi ae le o le matua tofo lelei i le atunuu i le ala matou te mafai ai.”

O le nofoaga o le fale e nonofo ai sa faapea foi ona le manuia ai le asiasiga. “O lo matou nofoaga sa matou nonofo ai e i le isi itu o le motu.

“Ina ia mafai ona matou o’o mai i le faaaliga i Apia nei, e tatau ona matou sopo’ia le motu ma mulimuli ane ua matua leai lava se aoga matou te toe sopo’ia ai mo se aiga o le aoauli-ae mulimuli ane- e tatau foi ona matou toe o atu i le isi itu i le afiafi matou te malolo ai mo le po.”

O le mea moni, fai mai lea Tamaitai, e leai se aoga o lenei mea. Fai mai a ia sa mana’o e fia faaalu sona taimi e tele e matua tofo ai ia Samoa i le avea ma nofoaga e taunuu i ai ae le o le talanoa ma tagata i totonu o se potu ‘ea malūlū

Sa faitioina foi e Ms. Kindervater le itiiti o le taimi na faaalu e ia ma ana paaga i Savaii. “O le mea moni na maua lo matou taimi e pu’e ai na o le ata e tasi mai totonu o le faamalama o se taavale,” o lana faaaliga lea.

I le tulaga aoao, o le manatu faaalia o lea tamaitai ia Samoa o se manatu e matua lelei lava. “O se atunuu e matua matagofie lava faatasi ai ma le agalelei lea e le masani ona mau i se isi lava nofoaga,” o lana faaaliga lea.

E tusa ai ma lea tamaitai, o itu vaivai tau le faalauiloa o le atunuu ua le faigofie ai ona vaaia se vaega tele o le atunuu. O le mea lea “atonu e faigata ona faaosoosoina tagata malama mai Europa mo Samoa, o se itu lea e faanoanoa ai, talu ai-o se atunuu e matua manaia tele.”

Sa vave ona tali atu le Pulega o Turisi a Samoa i faaseā na faaalia e Ms. KIindervater: “E tatau i taimi uma ona tuu i o matou mafaufau e faapea o maketi faapitoa e o mai faatasi ma o lato mana’oga faapitoa,” o le faamatalaga lea a Dwayne Bentley o le Pulega o le Turisi a Samoa.

“Ae mo le ituaiga o fale e mau ai na tuuina atu mo a tatou tagata asiasi mai, e tatau ona matua fetaui lelei mo nei maketi eseese. O le itu e faanoanoa ai, e pei o lenei mataupu, e mafai ona taunuu lenei mea i se auala e sili ona umi i lea nofoaga.”

“ Ma i nisi taimi, e tusa ai ma fuafuaga ua faatulagaina, e ono le mafai ona maua le fale sa’o e mau ai e tusa ai ma le taimi mo a tatou tagata asiasi mai, o le pogai lea o le pupu’u o a latou malaga i Savaii,” o le faaaliga lea a Mr. Bentley i le Samoa Obsewrver. 

By Faaliliu e Seagaitumua Tupuola 16 April 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>