Fa’ailoa le agaga fa’anoanoa o se tinā

261 Hits

Marita Joseph Silva

Marita Joseph Silva

Tusia - Ilia L Likou

 

Ua fa’ailoa mai lagona le fiafia o se tinā i le ma’ea ai o le Faiga Palota e pei ona sa i ai le atunu’u i nai vaiaso e le’i mamao atu.

Sa fa’aalia e Marita Joseph Silva le le fa’amaoni ai lea o le Komiti o se sui o lona aiga  lea na tamo’e i le palota tele ua tuana’i.

Saunoa Marita i lona le talitonu ai lea i tagata lea o lo’o ta’ua o Komiti , ma o lana fa’amanatu mo le lumana’i, ia toe tagataga’i lelei suitauva i nei ituaiga ma ia iloa lelei i latou. 

 “O le tele o i latou nei na o le omai ma foliga mai e fa’amaoni lo latou auai le komiti a lo matou sui tauva ae leai se mo’i o i ai.

Sa afea e le tinā le ofisa a le Samoa Obserever e fa’aalia ai lona le fiafia ona o nei tulaga e pei ona ua alia’e mai.

Sa ia ta’ua o le tele a komiti a le sui nei o lona aiga, sa le mafai ona o latou fa’atinoina a latou tiute ae na o latou fa’aaoga le sosia mai le sui lenei e tauva ai mo isi.

 “O le mea lea ua o’o mai ai ma fa’aleoina lea tulaga ona o le lagona popole ma le alofa i si o’u uncle.

Sa le’i mafai ona ia fa’ailoa mai po o ai sa’o sui o komiti e pei ona ia aga’iga’i i ai lana saunoaga.

Ae na matua manino lona ta’ua ai o i latou – na fa’agaoi lo latou auai atu ai le komiti mo la latou suitauva.

 “O lo’o o latou silafia uma i latou nei, ma e le’i fa’amaoni lo latou tula’i mai ai.

“Na o latou faia e foliga mai o lo’o fa’atinoina a latou galuega aepeita’i e leai na o latou taumafai i tagata palota e palota mo isi suitauva.

 “Tele lava se le fa’amaoni na ou iloa i le taimi o le palota i lea aso e pei ona fa’atinoina ai.

Sa ia ta’ua o le tele o nei komiti na o latou tautino e lagolagoina lona uncle aepeita’i e le’i mafai ona tupu lea tulaga.

 “Na o latou tautino e palota mo lo’u uncle ae le’i tupu lea tulaga ma ou te leiloa fo’i pe na palota mai pe leai fo’i.

Na ia fa’ailoa le o’otia ai lea o lagona ona o nei tagata ma gaioiga na o latou faia.

“O se itu fa’anoanoa tele lea ona e le’i mafai ona o latou lagolagoina lo’u uncle.

 “O se tulaga o lo’o fa’aleoina ai o lo’u le fiafia e mo le atunu’u ina ia mafai ona nofo silafia ai ma nei tulaga le manuia tele.

 “O le uma ai o le palota na o latou ta’ua ai le le palota o tagata i le suitauva ae  mo le moni lava o i latou e le’i mafai ona palota mo ia.

 “E ui la e le’o mafai ona tula’i mai o ia ae out e mana’o pea e fa’ailoa lea tulaga ona ou te iloa e le na ‘o ia o lo’o mafatia i nei faiga.

© Samoa Observer 2016

Developed by Samoa Observer in Apia