Manuia lou 70 tausaga Tusialofa!

294 Hits

E to’aiva alo o Tusialofa, 19 fanau-o-fanau ae toe fa-fanau-o fanau o lana fanau.

E to’aiva alo o Tusialofa, 19 fanau-o-fanau ae toe fa-fanau-o fanau o lana fanau.

Tusia - Ilia L. Likou 

 

O le aso To’ana’i na se’i mavae atu nei na fa’amanatuina ai le Aso Soifua o le tinā i Tusialofa Mamea Polani Pita i le Malaetapolo i Faleata.

Na mafai ona auai aiga, uo ma e masani aemaise o lana fanau, fanau-a-fanau, ma fanau-fanau o ana fanau ma o se agaga fiafia tele lea mo i latou uma na patipatia le Atua ona o le foa’ia o tausaga e tele mo le tinā.

Sa fa’ailoa mai e se tasi o ona alo tama’ita’i i a Vineta le agaga fiafia ma le fa’afetaia o le Atua ona ua mafai ona aulia mai e lo latou tinā lona aso soifua i lenei tausaga.

“O ia o se tinā lototele ma le malosi i le taumafaiga mai o i matou a’o o matou laiti mai…ma o se tagata e galue malosi aua lava le tu’uina atu o i matou i le aoga aemaise o le faia o le finagalo o le Atua.

 “O se tinā e loto alofa tele toe tumu i le onosai, ma e alofa tele i lona aiga.

“O mea uma lava na te faia o lona agaga ia o matou maua le nonofo fa’atasi i le agaga e tasi ma ia fa’asilisili le aloga i o matou loto.

Sa fa’afetaia e Tusialofa lona aiga ona o la latou tatalo fa’aauau ua mafai ai pea e ia ona maua le malosi mai le Atua.

 “O le viiga e fo’i i le Atua ona ua mafai ona maua mai nei tausaga mo a’u, fa’afetai mo i latou uma na fa’amanuia mai lou aso fanau, fa’amanuia tele le Atua.

E to’aiva alo o Tusialofa, 19 fanau-o-fanau ae toe fa-fanau-o fanau o lana fanau.

O le susuga i le Fa’afeagaiga i a Elisaia Koria na ia ta’ita’ia le sauniga.

© Samoa Observer 2016

Developed by Samoa Observer in Apia