‘Au Ta’ito’afitu mo le Ta’amilosaga a le Kalapu a Malisi

Tusia Ilia L. Likou ,

63 Hits

O le aso ananafi na fa’ataunu’uina ai se Savali mo ‘au uma o lo’o ua auai mo le Ta’amilosaga Ta’ito’afitu a le Kapalu a le Malisi.

O le afioga i le Alii Palemia,Tuilaepa Sailele Malielegaoi na saunoa e fa’afetaia le sao taua o  le kalapu i le atina’eina o le ta’aloga lakapi i Samoa nei.

E le gata i lea o le agaga fa’afetai ona o le mafai ona aulia mai o le lona 30 tausaga o le ta’amilosaga talu mai lona amataina i tausaga ua mavae.

Na va’aia le fa’atumulia o lea savali e le gata mo au tova’a mai atunu’u mamao ae o fa’aulululuga o a’u ta’itasi ua mafai ona auai mai.

O le ava o le feiloaiga mo au o lo’o ua autova’a mai le Ta’amilosaga a le Malisi na fa’ataunu’uina lea i le afiafi o le Aso Lulu.

I le tele ai o ‘au ua autova’a mai atunu’u i fafo mo lea fa’amoemoe taua o lo’o ua  taunu’u mai foi ma se tasi sui  fa’aaloalogia mo le ta’amilosaga i lenei tausaga i  Samoa  le Susuga i a Vala Uale.

Mo le silafia ai, o se tasi lea o tama fanau o le atunu’u aemaise le kalapu a le Malisi na  iloga lona tula’i mai i le ta’ita’ia o ‘au ta’ito’afitu o le atunu’u lea na siamupini mai ta’amilosaga fa’avao-malo i tausaga ua mavae.

O le taeao o le Aso Gafua la na amata ai ta’amilosaga Lakapi Pa’i i le Malae Soka i Tuana’imato, ma o le aso ananafi  le aso mulimuli e lauina ai togi mo lea vaega lautogia.

O le aoauli o le Aso Lua na fa’ataunu’uina ai ta’amilosaga mulimuli o le netipolo lea na fa’amoemoe e fa’ataunu’uina i le fa’aiuga o le vaiaso ae o le fa’aletonu o le tau na mafua ai  ona  le o’o.

Mo nisi fa’amatalaga fa’afeso’otai le Itulau Facebook a le Malisi.

© Samoa Observer 2016

Developed by Samoa Observer in Apia