Faia mea uma mo le manuia o Fanau

Tusia Seia Soloi ,

82 Hits

Saniai Pulelilo.

Saniai Pulelilo.

O galuega uma o loo faia e matua i le taimi nei e mo le lumanai manuia o fanau

O le talitonuga lea o le tinā i a Saniai Pulelilo, 44-tausaga le matua mai le afioaga o Vaitele. O ana galuega o lo’o faia i le taimi nei e le’o mo ia ae mo lana fanau i le lumanai

“E ese le faigata o le soifuaga ae o loo taumafai lava i le mea e gata iai le malosi ina ia mafai ai ona tautua mo lo’u aiga aemaise si a’u fanau’ o lana tala lea i le Fofoga o Samoa

O Saniai e toalima lana fanau ma o lo’o ao’oga uma i le taimi nei ma o lo’o nonofo nei ma oma matua i lo latou aiga e na’o ia ma le tama teine a lona uso o lo’o faigaluega, ae o le tausiga o se aiga e toafitu e tele mea e manaomia ai

O lo’o faigaluega nei Saniai i se tasi o faleaiga i totonu o Apia ma na maua atu e le Fofoga o Samoa e le’o faigaluega le Tina ona o tuatuagia lava faale-aiga

“O la’u tupe maua a ia i le vaiaso e $150tala a’o leisi e $180tala e matua lelava lava le matou faasoa i le vaiaso” “E fa’i o pili a le fanau, o mea e fai a tamaiti i totonu o aoga, o pili o le vai ma le moli  ae le tau ai le tau o meaai i aso uma, ua ova ma le taugata”

I le nonofo ai o Saniai ma ona matua o leisi lea avega mamafa toe faigata o lo’o tauave nei pe a fua atu i tausag o nai ona matua ua iai nei aemaise o mea e moomia mo taimi uma “E faigata aua e eseese lava aiga ae mo matou lava ia e faigata” 

Na ia faaalia  e mafua mai uma lava ona o le taugata o le soifuaga pe a faatusa atu i le olaga na iai muamua a’o latou nonofo ai i Savaii “Po lea le taugata, e taumafai lava i le malosi e gata ai ina ia mafai ona maua mea aua le tausiga o le aiga mo aso faiso’o”

Ua silia ma le 10 tausaga o nofoia e Saniai ma lona aiga le latou fanua, ma ua a’e iai latou se manatu ina ia faia se maumaga e faalagolago iai mo mea fai a le aiga.

“O leisi lea alagatupe maua a aiga i totonu o Samoa i le taimi nei o le faatoaga, e fua ma ave faatau maua mai ai tupe aua nisi mea fai a le aiga” Na ta’ua e le tina o fuafuaga alu mamao lea a ia ma lona aiga aua le ola manuia o fanau mo le lumanai

O mea fa’ale lotu ma mea fai a le nuu, o leisi lea vaega o loo alu iai le tele o tupe a lona iaga

“E le mafia ona tatou ‘aloese mai ai aua ua masani ai foi o tatou aiga ma matua”

O le talitonuga o Saniai ua tele suiga ma faafitauli ua alia’e mai i lenei vaitau talu ona latou oese mai mai Savaii, ae na te a’oa’oina ai lava lana fanau e le faigofie nei aso aemaise matua, o le tagi lava i lima galuega fai aua so latou lumanai manuia, aua e uma atu matua ae fotua’i mai fanau ma lo latou vaitau.

© Samoa Observer 2016

Developed by Samoa Observer in Apia