Ia malosi le loto

Tusia Ilia L Likou ,

111 Hits

Maria Salati.

Maria Salati. (Photo: Ilia L Likou)

O le maua ai o le fa’atalatalanoaga ma le Fofoga o Samoa i le aso ananafi ma le tinā i a Maria Salati, na ia fa’ailoa ai o le taimi lenei olo’o fa’alagolago tele lo latou aiga i le sami.

“Ia e pei o lea le fa’amoemoega tele o lo’o ua i ai le taimi lenei.” O lana  saunoaga mai lea.

“O si o matou aiga, ia na’o a’u ma le fanau e  to’afa ma o si o’u to’alua o lo’o fagota.

“E na’o le pau lea o le vaega o lo’o mafai ona maua mai ai se alagatupe aua le tausiga o si o’u aiga aemaise o mea’ai.

Na ia fa’ailoa o lo’o i ai lava itu lelei ai pe a alu le tamā o le aiga e fagota.

“Ia e pei o taimi ia e maua lelei ai le taimi e aua ai ne’i va’ava’ai fua i isi ae galue lava ita mo le tausia o le aiga.

“Ou te fa’afetai ai ona o lea lava o lo’o i ai le avanoa ia e fa’apena ona toleni ai lava a’u ia i  le taumafaiga o lo’u aiga.

“Ia e pei o le va’aia o tamaiti ia ma le anoanoa’i lava o fe’au fa’agasolo o lo’o i ai le taimi lenei.

“E pau lava le itu e pei e tau le manaia, ia o le tulaga lea o le umi na alu, ia e popole ai lava le loto.

“Ua o tatou iloa uma lava ia o le tu’ugamau le tapunia le sami, e tele pe’au lagavale e ono afatia ai lona ola, ia ae fa’amoemoe lava i le Atua i taimi uma.

“E ui lava ina tele fa’afitauli e pei e tau fai ma alia’e mai, ia ae lagona lava le mafanafana o le fa’atasi mai ole Atua.

“Ua o tatou iloa uma lava ua le faigofie nei aso, ae pei o nai sea lava ma fugafuga ma i’a o lo’o fa’atau atu i aso ia ma maua ai lava le ta’i $30 ia lea lava la e taumafai ai le aiga.

“Ia aemaise ai lava le itu o lea fo’i ua toe a’e nai fanau aoga, ia o se mafatiaga tele lea i a te a’u lava ia i le taimi lenei.

“Ae o le taimi lenei, ia e pei o le taputapua’i lava le tulaga o lo’o ua i ai nei. “Aua o lea lava le olaga o lo’o ua i tatou i ai, ia tapua’ia mea uma e lelei ai. “O le malosi lava o le loto ma fa’amoemoe i le Atua.

© Samoa Observer 2016

Developed by Samoa Observer in Apia