O le mitavale e i’u i puapuaga

473 Hits

O le tama’i-ta’avale la’u-pasese lea sa fai mai tuliga ma le isi fo’i ta’avale fa’apea, e aga’i mai i Apia, ae tupu loa le fa’alavelave matuia lea i le sa’oga o le ‘auala i Puipa’a.

O le tama’i-ta’avale la’u-pasese lea sa fai mai tuliga ma le isi fo’i ta’avale fa’apea, e aga’i mai i Apia, ae tupu loa le fa’alavelave matuia lea i le sa’oga o le ‘auala i Puipa’a.

Ripotia e Ilia L. Likou

Fa’aliliu e Maiava

 

Moni lava fautuaga a Leoleo, e matua mata’utia le taunu’uga pe a tagofia e se ‘ave-ta’avale le ‘ava-malosi. 

O le tulaga lena na o’o iai se tasi o ‘ave-ta’avale, ina ua lavea ma ta’avalevale lona sa, e le mamao-‘ese mai lumā-maota o le malumalu o le Ekalesia Metotisi i Puipa’a, i le afiafi o le Aso Sa. 

O le tama’i-ta’avale la’u-pasese lea sa fai mai tuliga ma le isi fo’i ta’avale fa’apea, e aga’i mai i Apia, ae tupu loa le fa’alavelave matuia lea i le sa’oga o le ‘auala i Puipa’a. 

Na fa’amatala i le Samoa Observer e Ma’ilata, o se matai-Puipa’a sa va’ai i lea fa’alavelave e fa’apea, e matua saoasaoa lava ta’avale nei.

“Sa taumafai le ta’avale la’ititi lea (ua lavea) e titipi le isi ta’avale fa’apena fo’i,” o lana fa’aaliga lea. “’Ou te iloa ona o le saoasaoa tele, na le mafai ai ona taofia le ta’avale lea, ae feto’ai ai loa ma alā-tetele sa i ‘autafa o le ‘auala.”

E le’i tu le isi ta’avale, na fa’aauau atu ai lava i Apia.  “’Ou te iloa pei sa taumafai le ali’i lea e taofi lana ta’avale a ua tuai,” o le fa’aaliga lea a le matai Puipa’a. “Leai se mea e mafai ona fai iai, ona e saoasaoa tele ta’avale.”  Ina ua taunu’u atu Leoleo, sa latou sa’ilia pe iai ni vaega e aoga mo a latou su’esu’ega.

“Na maua e leoleo atigi-fagu pia ma fagu na sui i totonu o le ta’avale. E matua onana lava tagata na o-mai i le ta’avale. Sa ‘auina fa’atopetope atu i latou ia i le falema’i. E le’i manuia taumafaiga sa fa’afeso’ota’i atu ai le Matagaluega o Leoleo ananafi mo se au’ili’iliga o lea mata’upu.

© Samoa Observer 2016

Developed by Samoa Observer in Apia