Mana’omia le suavai

By Ilia L Likou 15 January 2018, 12:00AM

Ua latalata i le 10 tausaga o feagai se tasi o aiga i Manono-Uta ma le leai o se suavai maua.

O lea le tulaga na fa’ailoa e Leiataua Tamate i le fa’atalatalanoaga ma le Fofoga o Samoa i le aso ananafi.

Na ia fa’ailoa o se itu ua leva ona o latou feagai le leai ai o se suavai maua ae o le  fa’alavelave o le lava lea o le fa’asoa tau seleni e fa’atino ai lea tulaga.

 “O le taimi lenei ia e le to’atele nai aiga i uta nei o lo’o mafai ona maua le suavai ma o’o atu ai le fa’asoa ae o le tele lava e le’o mafai e nisi o aiga ona o le taugata o le tau o le soifuaga o lo’o ua i ai nei.

Na ia fa’ailoa o  nisi o aiga lata ane o lo’o ua alu i ai mo se fesoasoani tau le suavai.

“Ia e pei o lea lava le tulaga o lo’o i ai o le isi itu o le taumafai lea e fa’aaoga se tasi o puna mo le aoina mai o le suavai.

“Ua o tatou iloa uma lave le faigata o le olaga o lo’o ua i ai nei ua leai ma se mea o toe faigofie fa’aopopo atu ai ma le taugata o le soifuaga ua atili ai.

“O le itu faigata lena o le soifuaga, ole fuafua lelei, o le uiga o la’u tala o le ave o le mea e tatau ona ave ai le fa’amuamua ona sologa lelei lea o mea uma.

‘O le itu mautinoa e manaomia ai lava le galulue fa’atasi o aiga, ia e pei o si o’u aiga ma le fanau ma mea fai i aso uma o lo’o muamua pea.

‘Aua o le itu mautinoa e mama mea uma pe a galulue fa’atasi mai lea aso i lea aso.

Na ia fa’ailoa o lo’o ua alo atu ai foi mo le toe amatalia o aoga a le fanau.

“E pei o lea lava le tulaga o lo’o ua silasila atu ai lenei taimi, o le soifuaga olo’o ua tatou i ai.

‘O le itu mautinoa e le mafai ona o tatou faia na’o tatou na o ni vaega e aunoa ma se fesoasoani o le isi i le isi.

“E pei o le isi lea vaega o lo’o ua alo atu ai nei matua o le toe a’e atu ai o tamaiti i aoga.

By Ilia L Likou 15 January 2018, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>