Sa’ilia se galuega

Tusia Ilia L Likou ,

39 Hits

Ben Lui.

Ben Lui.

O le taumafai ai e fesoasoani i aiga i lenei vaitau o le taugata o le soifuaga e tasi le tali – o le sailia lea o se galuega.

O lea le talitonuga o Ben Lui o Nuu Fou i le fa’atalatalanoaga ma le Fofoga o Samoa i le aso ananafi.

Na ia fa’ailoa ose itu taua tele lea aua le aga’i atu ai le lumanai.

“Ia ou te iloa lava e a’u ia le taua ai tele o lea tulaga aemaise o le alu tatau o le malosi mo le tausiga o le aiga.

‘Ua o tatou iloa uma lava le faigata ma le taugata o le soifuaga o lo’o ua i ai nei.

“O lo’u manatu ia taumafai vaega uma mo le lelei alu i luma o le aiga aemaise o le lumana’i manuia o lo’u nei tagata.

O lana galuega o lo’o ua fesoasoani ai nei le aiga o le fa’atauina atu lea o fuala’au aina mo se tupe maua a le aiga.

‘Ia e mo le silafia o a’u ou te lelei i so’o se galuega ma o le a lava le galuega e mafai ona maua ia o lena lava.

“Ua o tatou iloa uma lava le faigata o le soifuaga o lo’o ua i ai nei.

“Ae le fa’apea la o le a faigata le olaga ona nofonofo ai lea.

“E moni lava o lo’o maua le tupe le taimi lenei mai vaega ia, ae mana’omia lava e lo’u tagata se galuega.

“O lo’u iloa i ai o le lelei foi lea o le agai atu ai le lumanai aemaise o feau fa’atino mai lea aso i lea aso.

“O le itu taua, ia taumafai e fa’atino o so’o se tulaga aua le lelei alu i luma o aiga.

Na ia fa’ailoa o le galuega lava le tali o fa’afitauli i le taimi lenei.

“Ia e pei o lea lava le naunauta’iga le taimi lenei, o se itu lelei foi lea e tali atu ai matua.

“Aua e le fa’apea a fa’aletonu le olaga ae sau toe nofonofo ma fa’asaga i matua ae leai se galuega e alu e fa’atino.

“Ia e manaia lava ae mau se galuega mo lenei taimi e fesoasoani tele ai aiga.

“O le itu lelei tele lea mo le aga’i atu ai le lumanai.

E mafai ona feso’ota’i Ben i le 7258441.

© Samoa Observer 2016

Developed by Samoa Observer in Apia