Ia fesoasoani muamua i lou tagata – Laumata

Tusia Sarafina Sanerivi ma Ilia L. Likou ,

98 Hits

Laumata Aso.

Laumata Aso. (Photo: Ilia L Likou )

“Ia e leai lava se isi tulaga e o lua ma le taumafai ai lea o le tagata latou ia e atia’e o ia mai so’o se taumafaiga o lo’o i ai lenei taimi aemaise le fesoasoani muamua i a te ia” Le tinā i a Laumata Aso, e to’atasi lo la alo ma le tamā o le aiga ma na maua le fa’atalatalanoaga ma le Fofoga o Samoa i le aso ananafi.

Na ia fa’ailoa i le Fofoga o Samoa le tulaga lelei o le mafai ai lea o so’o se tagata ona fesoasoani lava o ia i a te ia i so’o se taumafaiga o le olaga.

“I a te a’u o se tinā e pei o lea le tulaga e pito sili ona taua  i lenei olaga o lo’o ua tatou i ai, ia aua e le aoga fo’i ona ota taumafai atu i isi tagata pe a le va’ai ane ifo lava ita i lota tagata.

 “E pei o lea le uiga o la’u tala i le taimi lenei, ma ou te iloa o se matua’i fesoasoani tele lea i le i ai le savaliga o lo’o i ai nei.

“O si o matou aiga, ia o le taumafai lava ina ia ola fiafia i taimi uma, o a mea ua mafai ona maua i lena aso ia e talia lava ma le agaga fa’afetai.

“E leai se tulaga fo’i le le o le taumafai fua e ausia se isi tulaga i le va’ai atu i isi tagata ma a latou taumafaiga, ia ae o mea lava ua fo’ai mai e le Atua o lea lava.

“Ia tatou talia ma le fa’afetai mea ua fa’asoa mai i lea aso i lea aso.

Na ia fa’ailoa o lo’o sologa lelei mea i totonu o le aiga.

“E pei o lea le tulaga o lo’o i ai le taimi lenei, o lena ua uma ona fa’ailoa atu le tulaga o taiala i a te a’u lava ia ma le savaliga o lo’o i ai nei.

“Ae o lea le fa’amoemoega , o le tau tat a lava i le taiala lea o le fesoasoani muamua i a te a’u lava ia fa’atoā fesoasoani atu ai loa i isi o lo’o fia maua le fesoasoani.

“E fa’afiafiaina lava le loto ona o lo’o agalelei pea le Atua i aso uma, o a faigata ia ae faigofie mea uma i lona fa’atasi mai.

“Ae o lena le tulaga o lo’o i ai le taimi lenei, o le taumafai  lava i le mafai e gata ai.

© Samoa Observer 2016

Developed by Samoa Observer in Apia