Ou te alofa i o’u matua

By Sarafina Sanerivi 16 January 2017, 12:00AM

O lea le fiafiaga  o Pita Ioane o Vaitele-Uta e fa’atino  e fesoasoani ai matua aemaise o le  faigamalologa mai aoga.

O le tausaga lenei o le a a’e ai o ia i le Kolisi o  Faleata i le Vasega 11.

“Ia e pei o a’u lava e fa’amoemoe ai lava le tele o matou fe’au aemaise o o’u matua i le tele o aso.

“E i ai nai o’u tei laiti, ia ae le taitai ona ou fa’amoemoe e latou te fa’atinoina ni fe’au ona ou te alofa i ai le laiti.

“Ou te alofa fo’i i nai o’u matua ma o le itu lea ou te alu ai lava e fai feau.

“O le aoga ai la o lenei vaitu’uaga ia e pei ua mafai ona ou fesoasoani ai o’u matua i le tele o fe’au ona e faigaluega uma i la’ua.

“Ia o le tele lava o taimi o le aso e pei o la’u galuega tele lava e fai o le alu lea e fai le ti le taeao , ia ma le saka ma le kuka o le afiafi.

“O le matua’i lelei lava o la’u kuka lea ua i ai le taimi lenei.

Na ia fa’amatala i le Fofoga o Samoa lona naunauta’iga i le fia avea ai lea o ia ma faiaoga pe a matua.

“Ia o a’u ou te fia faia le  galuega fa’afaiaoga  pe a ou matua, o le tele o taimi e a’oa’oina ai le vasega e le faiaoga ia ou te va’ava’ai lava i ai.

“O se itu fiafia tele i a te a’u lo’u matamata i le faiaoga pe a tu i luma o le vasega , aua ou te nofo tu’u ai a’u i le isi ono i le fitu tausaga o lo’o lumana’i.

“E pei o le isi tulaga lena ou te fiafia ai lava i le aoga, aua ou te alu atu va’ai le faiaoga ma ana lesona la e fai ia ma ou tago maitau lelei.

“Ae o le taimi lenei ia ou te iloa o le usita’i lava i o’u matua, ma fai a’u meaaoga ou te maua ai le miti lea o lo’o tuliina nei.

“Ia ou matua ane ma ou faigaluega ai ia ma maua ai se tupe e tausi ai o’u matua aemaise o si o o’u aiga e pei o lea le agaga fiafia i a te a’u.

“Ia o lea o le a ou sauni mo le toe a’e o aoga lenei tausaga.

By Sarafina Sanerivi 16 January 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>